Станіслаў Віктаравіч Валодзька
Станісла́ў Ві́ктаравіч Вало́дзька (нар. 11 лістапада 1956, вёска Падольцы, Астравецкі раён, Гродзенская вобласць) — беларускі паэт, дзіцячы пісьменнік у Латвіі.
| Станіслаў Віктаравіч Валодзька | |
|---|---|
| Асабістыя звесткі | |
| Дата нараджэння | 11 лістапада 1956 (67 гадоў) |
| Месца нараджэння | |
| Грамадзянства | |
| Альма-матар | |
| Прафесійная дзейнасць | |
| Род дзейнасці | паэт, пісьменнік, дзіцячы пісьменнік |
| Мова твораў | беларуская і руская |
| Грамадская дзейнасць | |
| Член у | |
| Узнагароды | |
Біяграфія правіць
Меў трох старэйшых братоў. Рана застаўся без бацькі. Скончыў Жукойненскую сярэднюю школу ў 1974 годзе, завочна філалагічны факультэт БДУ.
У 1975—1977 гадах служыў у арміі ў Гомелі. У 1977—1979 гадах працаваў шафёрам у саўгасе «Падольскі», пасля працаваў механікам пуцявой машыны ў Вільнюсе, пасля ў Даўгаўпілсе, дзе застаўся і пасля распаду СССР.
Дзейнасць правіць
Адзін з заснавальнікаў беларускага культурна-асветніцкага таварыства «Уздым», член Саюза пісьменнікаў Беларусі (1997), Міжнароднай асацыяцыі пісьменнікаў, Аб’яднання дзіцячых пісьменнікаў Латвіі. Адзін з заснавальнікаў Таварыства латвійска-беларускай садружнасці.
Творчасць правіць
Вершы пісаць пачаў у школе. Першы верш «Вялікія» надрукаваны ў 1974 годзе ў газеце «Астравецкая праўда»[1].
Выдаў зборнікі паэзіі «На хвалях хвалявання», «У вачах Айчыны» (1996), «Зварот да сэрца» (1998), «Памяці гаючая трава», «Обращение к сердцу». Зборнікі твораў «На гэтай зямлі» і «Под небом Родины». Напісаў кнігі для дзяцей «Калыханкі і пацешкі для Антошкі і Алежкі», «Бусинки» (1995), «Чудесный котик», «Сокровища», «Соцветия рифм», «Светлячок», «Кветкі для мамы», «Калі ласка, казка!».
Некаторыя творы Станіслава Валодзькі перакладзены на латышскую, латгальскую і польскую мовы.
Песня «Беларускі дом» стала гімнам таварыства «Уздым» і Саюза беларусаў Літвы. Выйшлі мультымедыйныя зборнікі песень на вершы паэта «Веру ў сваю зорку», «Палын і медуніца», «Хай шчаслівы ўсе будуць на зямлі».
Прэміі і ўзнагароды правіць
- Медаль Францыска Скарыны;
- Нагрудны знак Міністэрства культуры Рэспублікі Беларусь «За ўнёсак у развіццё культуры Беларусі»;
- Ганаровая грамата Камітэта па справах рэлігій і нацыянальнасцей пры Савеце міністраў Беларусі;
- Памятны медаль да 100-годдзя М. А. Шолахава «За гуманізм і ўклад у славянскую культуру»;
- Нагрудны знак Саюза пісьменнікаў Беларусі «За вялікі ўклад у літаратуру».
Зноскі
- ↑ Голуб Н. В.. Валодзька Станіслаў Віктаравіч, беларускі паэт(недаступная спасылка). Краязнаўства. Астравецкая раённая бібліятэка (1 кастрычніка 2016). Архівавана з першакрыніцы 15 ліпеня 2021. Праверана 15 ліпеня 2021.
Спасылкі правіць
- Жыццяпіс на старонцы Рэспубліканскага цэнтра нацыянальных культур Беларусі
- Алена Басікірская. Жыццяпіс у «Сельскай газеце»
- Вершы Станіслава Валодзькі // Беларуская паэзія
- «Крывіцкія руны» / Панізьнік Сяргей. — Мінск: «Беларускі кнігазбор», 2003. — ISBN 985-6730-29-5