Стрыжнёвыя сумесі

Стрыжнёвыя сумесі — вогнетрывалыя газапранікальныя матэрыялы, з якіх вырабляюць ліцейныя стрыжні — аддымныя часткі ліцейных формаў.

Складаюцца з напаўняльніка (звычайна кварцавы пясок), звязвальных рэчываў і дабавак (храміт, хромамагнетыт, цыркон і інш.). Бываюць увільготненыя, сухія і вадкія. Падзяляюцца на сумесі гарачага зацвердзявання і сумесі, якія не патрабуюць цеплавой апрацоўкі (халоднацвярдзеючыя сумесі).

Стрыжнёвыя сумесі гарачага зацвердзявання — пясчана-смаляныя, на аснове раслінных алеяў і іх заменнікаў, а таксама сумесі на водных арганічных звязвальных рэчывах (напрыклад, дэкстрын). Іх зацвердзяванне адбываецца ў спецыяльных сушыльных печах.

У халоднацвярдзеючых стрыжнёвых сумесях у якасці звязвальных рэчываў выкарыстоўваюцца карбамідна-фуранавыя, фенолафуранавыя і іншыя сінтэтычныя смолы, вадкае шкло. У якасці каталізатараў, якія паскараюць працэсы цвярдзення, — неарганічныя і арганічныя кіслоты. Такія сумесі пры ўвядзенні ў іх паверхнева-актыўных рэчываў набываюць высокую цякучасць, што дае магчымасць заліваць іх у стрыжнёвыя скрынкі, дзе яны цвярдзеюць без дадатковага ўшчыльнення і награвання.

Літаратура

• Стрыжнёвыя су́месі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 215. — 10 000 экз. — ISBN 985-11-0035-8. — ISBN 985-11-0251-2 (т. 15).
• Стержневы́е сме́си // Т. 24А. Собаки — Струна. — М. : Советская энциклопедия, 1976. — С. 504—505. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Энциклопедический словарь по металлургии : В 2 т / Рос. акад. наук, Ин-т металлургии и материаловедения им. А. А. Байкова, Междунар. союз металлургов; Гл. ред. Н. П. Лякишев. — М. : Интермет Инжиниринг, 2000. — Т. 2. — 408 с. — 500 экз. — ISBN 5-89594-034-X.
• Кукуй Д. М. Теория и технология литейного производства формовочные материалы и смеси. Искусственная сушка горных пород: Учебн. пособие / Д. М. Кукуй, Н. В. Андрианов. — Мн.: БНТУ, 2005. — 361 с. — ISBN 985-479-221-8. (руск.)

Спасылкі

• Теория формирования отливки: учебное пособие / Л. Г. Знаменский, О. В. Ивочкина, И. Н. Ердаков, А. С. Варламов. — Челябинск: Издательский центр ЮУрГУ, 2017. — 195 с. (руск.) (Праверана 12 чэрвеня 2023)
• Тавтилов, И. Ш. Технология литейного производства: учебное пособие / И. Ш. Тавтилов, В. И. Юршев, В. С. Репях, Б. М. Шейнин; Оренбургский гос. ун-т. — Оренбург: ОГУ, 2018. — 110 с. — ISBN 978-5-7410-2078-8. (руск.) (Праверана 12 чэрвеня 2023)
• Стержневые смеси // Stroitelstvo-New.ru (руск.) (Праверана 12 чэрвеня 2023)