Сядзібна-паркавы ансамбль (Залессе)
Сядзібна-паркавы ансамбль Мольляў — помнік сядзібна-паркавай архітэктуры сярэдзіны XIX стагоддзя. Створаны ў в. Залессе (Глыбоцкі раён) на месцы старажытнага замка, уздоўж выцягнутага з усходу на захад перашыйку паміж азёрамі Мураўшчына і Белае. Належаў графу Моле. Уключае гасподу (часткова разбураная ў гады Другой сусветнай вайны, збераглася ўсходняя частка), гаспадарчыя пабудовы і парк пейзажнага тыпу.
| Славутасць | |
| Сядзібна-паркавы ансамбль Мольляў | |
|---|---|
| 55°15′18,68″ пн. ш. 27°41′17,39″ у. д.HGЯO | |
| Краіна |
 Беларусь |
| Вёска | Залессе |
| Архітэктурны стыль | неаготыка |
| Дата заснавання | XIX стагоддзя |
| Асноўныя даты | |
|
1982 — разабраны сядзібны дом |
|
| Будынкі | |
| стайня • гаспадарчая пабудова • жылы дом • парк | |
| Статус |
 Гісторыка-культурная каштоўнасць Беларусі, шыфр 213Г000386 |
 |
|
У чэрвені 2021 года будынак (адзіны, які захаваўся) стайні быў выкуплены праз аўкцыён прыватнай асобай за 30 беларускіх рублёў на ўмове рэканструкцыі на працягу 24 месяцаў[1].
Архітэктура правіць
Гаспода — мураваны прамавугольны ў плане двухпавярховы будынак асіметрычнай аб’ёмна-прасторавай кампазіцыі, мае рысы стылю рэтраспектыўнай готыкі. Спачатку да яе прылягала высокая трох’ярусная вежа (зруйнаваная ў 1982 г.). У дэкоры фасаду выкарыстаныя пінаклі, стральчатыя праёмы ў прафіляваных ліштвах.
З боку галоўнага фасада зроблены парадны партэр, з дваровага — насыпная відавая тэраса. У аснове парку (плошча каля 8 га) кальцавы шпацырны маршрут праз яго густы масіў і ўздоўж паўночнай ускраіны. У парку два ставы, сажалкі, 48 парод дрэваў. Сярод насаджэнняў пераважаюць елка звычайная, хвоі веймутава і чорная, лістоўніцы еўрапейская, сібірская і японская, ліпы амерыканская і ліпы буйналістая.
Зноскі
- ↑ У старинной конюшни в деревне Залесье новый хозяин // Веснік Глыбоччыны. — 2021. — # 46. — 12 чэрвеня. — С. 2.
Літаратура правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх- Сядзібна-паркавы ансамбль (Залессе) на сайце Radzima.org
- Сядзібна-паркавы ансамбль (Залессе) на сайце Глобус Беларусі (руск.)
