Сямён Яфімавіч Сцяпук

Сямён Яфімавіч Сцяпук
Сямён Яфімавіч Сцяпук
Дата нараджэння	26 студзеня 1911
Месца нараджэння	Гарадзішча, Капаткевіцкі пасялковы савет[d], Петрыкаўскі раён, Беларусь;
Дата смерці	11 сакавіка 1988 (77 гадоў)
Месца смерці	Мінск, БССР, СССР;
Прыналежнасць	СССР
Род войскаў	пяхота
Гады службы	1930—1960 (з перарывамі)
Званне
Бітвы/войны	Вялікая Айчынная вайна

Сямён Яфімавіч Сцяпук (1911, вёска Гарадзішча, Петрыкаўскі раён, Гомельская вобласць — 1988, Мінск) — капітан МУС СССР, удзельнік Вялікай Айчыннай вайны, Герой Савецкага Саюза (1944).

БіяграфіяПравіць

Сямён Сцяпук нарадзіўся 26 студзеня 1911 года ў вёсцы Гарадзішча (цяпер — Петрыкаўскі раён Гомельскай вобласці Беларусі). Скончыў Гомельскі будаўнічы тэхнікум. У 1930—1936 гадах праходзіў службу ў Рабоча-сялянскай Чырвонай Арміі. Пасля дэмабілізацыі, працаваў у органах НКУС СССР. У чэрвені 1941 года Сцяпук паўторна быў прызваны ў армію і накіраваны на фронт Вялікай Айчыннай вайны. У 1942 годзе ён скончыў курсы малодшых лейтэнантаў^[1].

Да лістапада 1943 года старшы лейтэнант Сямён Сцяпук камандаваў ротай аўтаматчыкаў 520-га стралковага палка 167-й стралковай дывізіі(руск.) бел. 38-й арміі(руск.) бел. 1-га Украінскага фронту. Вызначыўся падчас вызвалення Кіева. 3-5 лістапада 1943 года рота Сцяпука паспяхова дзейнічала падчас баёў за Пушчу-Вадзіцу(руск.) бел. і Святошына(руск.) бел., нанёсшы ворагу вялікія страты^[1].

Указам Прэзідыума Вярхоўнага Савета СССР ад 10 студзеня 1944 года старшы лейтэнант Сямён Сцяпук быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка»^[1].

У 1947—1960 гадах Сцяпук зноў працаваў у органах МУС СССР, быў звольнены ў запас у званні капітана. Пражываў у Мінску. Памёр 11 сакавіка 1988 года^[1].

Быў таксама ўзнагароджаны ордэнамі Чырвонага Сцяга, Аляксандра Неўскага і Айчыннай вайны 1-й ступені, шэрагам медалёў^[1].

Зноскі

↑ ^1,0 ^1,1 ^1,2 ^1,3 ^1,4 Степук Семён Ефимович (руск.) . AZ Library. Праверана 16 ліпеня 2014.

ЛітаратураПравіць

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Навечно в сердце народном, 3-е изд., доп. и испр. Минск, 1984. / стр. 495.

СпасылкіПравіць

Сямён Яфімавіч Сцяпук на сайце «Героі краіны»

[ссе-1] 1,0 ^1,1 ^1,2 ^1,3 ^1,4 Степук Семён Ефимович (руск.) . AZ Library. Праверана 16 ліпеня 2014.

[1]