Сяргей Рыгоравіч Канавалаў

Сяргей Рыгоравіч Канавалаў (1 жніўня 1917, г. Арэнбург — ?) — беларускі архітэктар.

Сяргей Рыгоравіч Канавалаў
Дата нараджэння	1 жніўня 1917(1917-08-01)
Месца нараджэння	Арэнбург, Арэнбургская губерня, Расійская імперыя
Дата смерці	невядома
Альма-матар	Сярэднеазіяцкі політэхнічны інстытут[d] (1951)
Месца працы	Мінскпраект Гарызонт
Член у	Саюз архітэктараў СССР Беларускі саюз архітэктараў
Узнагароды

Біяграфія

Удзельнік Вялікай Айчыннай вайны. Скончыў Сярэднеазіяцкі політэхнічны інстытут у 1951 годзе. Працаваў у праектных арганізацыях Душанбэ, Ташкента. З 1966 года — галоўны архітэктар праектаў, галоўны спецыяліст па архітэктуры ў Мінскпраекце, з 1977 года — архітэктар Мінскага ВА «Гарызонт».

Член Саюза архітэктараў СССР з 1961 года. Пражываў у Мінску.

Творчасць

Помнік У. І. Леніну на тэрыторыі Рэспубліканскага інтэрната ветэранаў вайны і працы

Ва Узбекістане запраектаваў шэраг адміністрацыйных, гандлёвых будынкаў, санаторый і медыцынскіх устаноў (1951—1966).

Асноўныя працы ў Беларусі: рэспубліканскі інтэрнат персанальных пенсіянераў у пасёлку Ждановічы (1975), рэканструкцыя сквера з фантанам на Цэнтральнай плошчы у Мінску (1969), помнік У. І. Леніну ў пасёлку Ждановічы (са скульптарам З. І. Азгурам).

Узнагароды

Дыплом 1 ступені СА СССР ва Усесаюзным аглядзе-конкурсе за серыю тыпавых праектаў жылых дамоў (1965, у аўтарскім калектыве). Узнагароджаны ордэнамі «Чырвоная Зорка», польскімі «Крыж храбрых», «Сярэбраны крыж заслугі» (двойчы), медалямі (1942—1945).

Літаратура

• Коновалов Сергей Григорьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)