Трыер (машына)
Тры́ер (ад фр.: Trieur — сартаваць, адбіраць) — машына або рабочы орган зернеачышчальных машын для ачысткі насення ад дамешкаў і сартавання па даўжыні.
Найбольш пашыраны цыліндрычныя і дыскавыя трыеры. Існуюць спецыялізаваныя трыеры: для кукурузы, ільну і інш.
Цыліндрычны трыер правіць
Рабочым органам цыліндрычнага трыера з’яўляецца цыліндр (барабан) з ячэйкамі пэўнага памеру. Зерне засыпаецца ў трыер з аднаго з бакоў, больш вышэйшага. Пры вярчэнні цыліндра зерне з даўжынёй, меншай за памер ячэек, затрымліваецца ў ячэйках. Пры некаторай велічыні вугла павароту цыліндра, зерне пад уздзеяннем сілы цяжару падае ў жолаб са шнэкам, размешчаны ўнутры цыліндра. Больш доўгія зярняты саслізгваюць па сценках цыліндра ўніз і рухаюцца да процілеглага (больш нізкага) краю, дзе выдаляюцца
Выкарыстоўваюцца трыеры адзіночнага і двайнога дзеяння. У трыерах двайнога дзеяння выкарыстоўваюцца два цыліндры (барабаны) з ячэйкамі розных памераў. У цыліндры з меншымі ячэйкамі (кукольных) адбіраюцца дамешкі і дробнае зерне, а ў цыліндры з большымі ячэйкамі (аўсюжных) — больш доўгае зерне і дамешкі[1].
Дыскавы трыер правіць
.png)
У дыскавых трыерах для сартавання і ачысткі выкарыстоўваюцца металічныя дыскі на спіцах з ячэйкамі ў форме кішэнек. Пры вярчэнні дыскаў у ячэйкі трапляе зерне, памеры якіх менш за ячэйкі і выкідваецца вонкі (у жолаб). Астатняе зерне лопасцямі на спіцах дыскаў перамяшчаецца ўздоўж цыліндра да яго краю і выдаляюцца.
Дыскавыя трыеры часцей выкарыстоўваюцца на млынах і ў хлебапякарнай прамысловасці[1].
Зноскі
- ↑ а б БелЭн 2002.
Літаратура правіць
- Кандрацьеў В. М. Трыер // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 549. — 10 000 экз. — ISBN 985-11-0035-8. — ISBN 985-11-0251-2 (т. 15).
- Триер / Комаристов В. Е. // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)