Тумскае
Ту́мскае возера[1] — возера ў Беларусі, у Астравецкім раёне Гродзенскай вобласці. Знаходзіцца за 34 км на паўночны ўсход ад горада Астравец, каля вёскі Тумкі. Належыць да Сарачанскай групы азёр на тэрыторыі ландшафтнага заказніка рэспубліканскага значэння «Сарачанскія азёры».
| Тумскае возера | |
|---|---|
 Возера Тумскае ў красавіку | |
| Морфаметрыя | |
| Вышыня над узроўнем мора | 131,1 м |
| Даўжыня | 3,22 км |
| Шырыня | 0,45 км |
| Плошча | 0,86 км² |
| Аб’ём | 0,00416 км³ |
| Даўжыня берагавой лініі | 7,6 км |
| Найбольшая глыбіня | 9,2 м |
| Сярэдняя глыбіня | 4,8 м |
| Гідралогія | |
| Салёнасць | да 0,28 ‰ |
| Празрыстасць | 1,9 м |
| Басейн | |
| Плошча вадазбору | 172 км² |
| Упадаюць | рака Сарачанка, ручаі, пратока |
| Выцякаюць | рака Сарачанка |
| Размяшчэнне | |
| Краіна |
 Беларусь |
| Рэгіён | Гродзенская вобласць |
  Тумскае возера |
|
|
|
|
 Тумскае возера |
|
 |
|
 Медыяфайлы на Вікісховішчы | |
Тумскае возера знаходзіцца ў басейне ракі Сарачанка, якая выцякае з возера. Плошча возера складае 0,86 км². Найбольшая глыбіня — 9,2 м, сярэдняя — 4,8 м. Даўжыня возера — 3,22 км, найбольшая шырыня — 0,45 км. Даўжыня берагавой лініі — 7,6 км. Аб’ём вады ў возеры складае 4,16 млн м³, плошча вадазбору 172 км².
Катлавіна возера лагчыннага тыпу. Схілы катлавіны маюць вышыню 3—7 м, разараныя. На паўднёвым усходзе і паўночным захадзе схілы маюць вышыню 10—18 м. Берагі возера нізкія. На ўсходзе, поўначы і захадзе берагі ўчасткамі зліваюцца з схіламі катлавіны, на поўдні і паўночным усходзе знаходзяцца пад хмызняком. Пойма шырынёй 10—250 метраў. Мелкаводная зона вадаёма да 2 м пясчаная, на большых глыбінях дно выслана сапрапелем.
Тумскае возера зарастае ўздоўж берагоў да глыбіні 2,2—2,7 м.
Вадаём злучаны пратокай з возерам Каймін, таксама ў Тумскае ўпадае ручай з возера Галодна.
Зноскі
- ↑ Тумскае возера // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
Літаратура
правіць- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Тумскае возера // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 27. — 10 000 экз. — ISBN 985-11-0035-8. — ISBN 985-11-0263-6 (т. 16).
- Курловіч М. М. Тумскае // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. — С. 120.
Спасылкі
правіць- Морфометрические параметры озёр Гродненской области // Справочник «Водные объекты Республики Беларусь» Архівавана 30 кастрычніка 2020. (руск.)