Саюз еўрапейскіх футбольных асацыяцый (англ.: Union of European Football Associations, скар. UEFA, у беларускай транслітарацыі УЕФА) — арганізацыя, кіруючая футболам у Еўропе і некаторых заходніх рэгіёнах Азіі. Яна аб’ядноўвае нацыянальныя футбольныя асацыяцыі еўрапейскіх краін. УЕФА займаецца арганізацыяй усіх еўрапейскіх спаборніцтваў клубаў і зборных, размяркоўвае прыбыткі ад рэкламы і трансляцый паміж клубамі і нацыянальнымі асацыяцыямі, якія ўваходзяць у яе склад.

УЕФА
Карта УЕФА
Краіна
Штаб-кватэра Сцяг Швейцарыі Ньён
Тып арганізацыі Спартыўная федэрацыя
Афіцыйныя мовы англійская
нямецкая
французская
Кіраўнікі
Прэзідэнт Аляксандар Чэферын
Генеральны сакратар Тэадор Тэадарыдыс (в.а.)
Заснаванне
Заснавана 15 чэрвеня 1954 года
Колькасць членаў 55
Матчыная арганізацыя ФІФА
Член у 55 нацыянальных асацыяцый
uefa.com
Лагатып Вікісховішча Медыяфайлы на Вікісховішчы

УЕФА з’яўляецца адной з шасці кантынентальных канфедэрацый, якія ўваходзяць у ФІФА, прычым УЕФА з іх найбольш уплывовая і багатая. Амаль усе наймацнейшыя футбалісты свету гуляюць у Еўропе з-за таго, што менавіта ў ёй самыя вялікія зарплаты, асабліва ў Англіі, Італіі, Іспаніі і Германіі. Таксама УЕФА прадстаўляюць многія моцныя зборныя свету, што прадвызначае вялікае прадстаўніцтва краін гэтай канфедэрацыі на сусветных першынствах: так, з 32 каманд на чэмпіянаце свету 2006 года УЕФА прадстаўлялі 14.

УЕФА быў заснаваны 15 чэрвеня 1954 года ў Базелі (Швейцарыя) пасля кансультацый, пачатых федэрацыямі футбола Францыі, Італіі і Бельгіі. Першапачаткова ва УЕФА ўваходзілі 25 краін, цяпер гэта лічба дасягнула 55. Штаб-кватэра УЕФА размяшчалася ў Парыжы да 1959 года, калі яна пераехала ў Берн. З 1995 года яна знаходзіцца ў швейцарскім Ньёне. Першым генеральным сакратаром УЕФА быў Анры Дэланэ, а прэзідэнтам — Эбэ Шварц.

УЕФА часта меў канфлікты з Еўракамісіяй, прадстаўляючы інтарэсы нацыянальных асацыяцый. У 1990-х гадах рознагалоссі тычыліся правоў на тэлетрансляцыі і асабліва міжнародных трансфераў (Правіла Босмана).

Прэзідэнты УЕФА правіць

Імя Краіна Тэрмін
1. Эбэ Шварц   Данія 1954—1962
2. Густаў Відэркер   Швейцарыя 1962—1972
3. Артэміа Франкі   Італія 1972—1983
4. Жак Жорж   Францыя 1983—1990
5. Ленарт Юхансан   Швецыя 1990—2007
6. Мішэль Плаціні   Францыя 2007—2015
7. Анхель Марыя Вільяр   Іспанія 2015—2016 (в.а.)
8. Аляксандар Чэферын   Славенія з 2016

Спіс членаў правіць

Спасылкі правіць