Уладзімір Аляксандравіч Мацкевіч

Уладзімір Аляксандравіч Мацкевіч (нар. 1 сакавіка 1947 Мар'іна Горка) — беларускі ваенны і дзяржаўны дзеяч, старшыня КДБ РБ (1995—2000).

Уладзімір Мацкевіч
Старшыня КДБ РБ 20 снежня 1995 — 27 лістапада 2000
Прэзідэнт	Аляксандр Лукашэнка
Кіраўнік урада	Міхаіл Чыгір Сяргей Лінг Сяргей Сідорскі
Папярэднік	Уладзімір Ягораў
Пераемнік	Леанід Ерын
Нараджэнне	1 сакавіка 1947(1947-03-01) (74 гады) Мар’іна Горка, Пухавіцкі раён, Мінская вобласць, БССР, СССР
Адукацыя	Беларускі дзяржаўны тэхналагічны ўніверсітэт (1970) Акадэмія знешняй разведкі[d] (1978)
Дзейнасць	ваенны, дыпламат
Месца працы	Мазырскі нафтаперапрацоўчы завод
Ваенная служба
Род войскаў	Камітэт дзяржаўнай бяспекі Рэспублікі Беларусь
Званне
Узнагароды	Ганаровая грамата Савета Міністраў Рэспублікі Беларусь (26 лютага 1997)

Біяграфія

Нарадзіўся 1 сакавіка 1947 г. у г.п. Мар'іна Горка Пухавіцкага раёна Мінскай вобласці.

У 1970 г. скончыў Беларускі тэхналагічны інстытут па спецыяльнасці «хімічная тэхналогія перапрацоўкі нафты і газу». У 1970—1973 гг. працаваў інжынерам-тэхнолагам, начальнікам устаноўкі гідравычышчэння дызельных паліваў нафтаперапрацоўчага завода ў г. Мазыр. У 1973—1976 гг. — другі, затым першы сакратар Мазырскага ГК камсамола, другі сакратар Гомельскага АК камсамола.

У органах дзяржбяспекі з 1976 г. Мінуў усе прыступкі, пачынаючы ад аперпрацаўніка. З 20 снежня 1995 г. па 27 лістапада 2000 — старшыня КДБ РБ.

У пачатку 2008 года Уладзімір Мацкевіч вярнуўся ў Мінск. На дадзены момант працуе ў Маскве.

Званне — генерал-лейтэнант (1999)

Узнагароды

26 лютага 1997 года ўзнагароджаны Ганаровай граматай Савета Міністраў Рэспублікі Беларусь.

Асабістае жыццё

Некалькі гадоў таму У. Мацкевіч перанёс рак, яму зрабілі аперацыю ў Германіі, куды ён ездзіць рэгулярна, кожныя паўгады на даследаванне.

Літаратура

• В. Н. Надтачаев / Военная контрразведка Беларуси: Судьбы, трагедии, победы. — Мн., «Кавалер», 2008, ISBN 978-985-6053-36-1