Уладзімір Васілевіч Прохараў
Уладзімір Васілевіч Про́хараў (нар. 26 красавіка 1945, Цюкалінск, Омская вобласць, Расія) — беларускі кампазітар.
| Уладзімір Васілевіч Прохараў | |
|---|---|
| Дата нараджэння | 26 красавіка 1945 (78 гадоў) |
| Месца нараджэння | |
| Альма-матар | |
| Музычная дзейнасць | |
| Педагог | Яўген Аляксандравіч Глебаў |
| Прафесіі | кампазітар |
| Грамадская дзейнасць | |
| Член у | |
Біяграфія правіць
Скончыў у 1976 годзе Беларускую кансерваторыю (клас Я. Глебава). 3 1981 года выкладае ў музычных навучальных установах Мінска.
Член Беларускага саюза кампазітараў з 1977 года.
Творчасць правіць
Працуе ў розных жанрах. Аўтар музыкі да спектакляў, пастаўленых у лялечных тэатрах Беларусі: дзяржаўныя тэатры — «Кошчын дом» С. Маршака, «Гадзіннік з зялюляй» С. Пракоф’евай, «Доктар Айбаліт» В. Карастылёва (усе 1980), «38 папугаяў» Р. Остэра (1985), «Церам-церамок» Маршака (1986); у абласных тэатрах: Гродзенскім — «Сіндбад-мараход» Ю. Фрыдмана і В. Шульжыка (1981), «Насарог і Жырафа» Х. Гюнтэра (1983), «Кацяня па мянушцы Гаў» Остэра, «Калі рамонак расцвітае» Р. Москава, «Балада пра белую вішню» С. Клімковіч (усе 1984); Брэсцкім — «Збанок-гаварун» А. Абу-Бакара (1982), «Іншаземец у Рыме» В. Маслава (1985), «Кот у ботах» Г. Уладычынай (1986), «…Забыць Герастрата!» Р. Горына (1989); Мінскім абласным тэатры лялек «Батлейка» (Маладзечна) — «Прывітанне для мартышкі» Остэра (1990), «Казкі Несцеркі» А. Туравай (1991), «Свята Ражаство радасць прынясло» І. Сідарука (1992); а таксама да спектакляў у Дзяржаўным рускім драматычным тэатры Беларусі — «Бабскае царства» паводле Ю. Нагібіна (1984), «Іван-ды-Мар’я» У. Гольдфельда (1986).
Зноскі
Літаратура правіць
- Т. Б. Варфаламеева. Прохараў Уладзімір Васілевіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
Спасылкі правіць
- Уладзімір Васілевіч Прохараў на сайце анлайн-энцыклапедыі «Беларусь у асобах і падзеях»