Уладзімір Піліпавіч Лемеш

Уладзімір Піліпавіч Лемеш
Уладзімір Піліпавіч Лемеш
Дата нараджэння	22 сакавіка 1908
Месца нараджэння	Падлессе, Слуцкі павет, Мінская губерня, Расійская імперыя;
Дата смерці	14 жніўня 1975 (67 гадоў)
Месца смерці	Віцебск, Віцебская вобласць, БССР, СССР;
Род дзейнасці	заатэхнік, выкладчык, дэкан, палітык
Навуковая сфера	заатэхнія
Месца працы	Магілёўскі інстытут свінаводства[d]; Віцебскі ветэрынарны інстытут; Ульянаўскі ветэрынарны тэхнікум[d]; Куйбышаўскі сельскагаспадарчы інстытут[d];
Навуковая ступень	доктар сельскагаспадарчых навук
Навуковае званне	прафесар
Альма-матар	Беларуская дзяржаўная сельскагаспадарчая акадэмія;

Уладзімір Піліпавіч Ле́меш (22 сакавіка 1908—14 жніўня 1975) — савецкі вучоны ў галіне заатэхніі, доктар сельскагаспадарчых навук (1952), прафесар (1954). Заслужаны дзеяч навукі БССР (1967).

Біяграфія

У. П. Лемеш нарадзіўся 22 сакавіка 1908 г. у вёсцы Падлессе Слуцкага павета Мінскай губерні (сучасны Слуцкі раён Мінскай вобласці Беларусі). У 1925 годзе быў накіраваны на вучобу ў Горыгорацкі земляробчы інстытут, які скончыў ў 1929 годзе. У 1929—1931 гг. навучаўся там жа ў аспірантуры пры кафедры агульнай заатэхніі па кармленню сельскагаспадарчай жывёлы. У 1931—1933 гг. у Магілёўскім інстытуце свінаводства — асістэнт, дацэнт кафедры кармлення сельскагаспадарчай жывёлы. З 1933 г. па ліпень 1941 г. выконваючы абавязкі загадчыка кафедры кармлення сельскагаспадарчай жывёлы Віцебскага ветэрынарнага інстытута, адначасова ў 1933—1938 гг. дэкан заатэхнічнага факультэта, у 1938—1941 гг. выконваючы абавязкі намесніка дырэктара па вучэбнай і навуковай рабоце. У 1941—1943 гг. У. П. Лемеш ва Ульянаўску — дырэктар Ульянаўскага ветэрынарнага тэхнікума. З 1943 г. да чэрвеня 1944 гг. намеснік дырэктара Куйбышаўскага сельскагаспадарчага інстытута. У 1944—1968 гг. У. П. Лемеш на пасадзе рэктара Віцебскага ветэрынарнага інстытута, у 1944—1975 гг. загадчык кафедры кармлення сельскагаспадарчай жывёлы.

Памёр У. П. Лемеш 14 жніўня 1975 г. Пахаваны ў Віцебску.

Навуковая дзейнасць

У. П. Лемеш займаўся навуковай дзейнасцю ў галіне кармлення сельскагаспадарчай жывёлы, вывучэннем хімічнага складу і пажыўных якасцяў кармоў на тэрыторыі Беларусі, мікраэлементнага жыўлення. Аўтар каля 100 навуковых прац, у т.л. 13 кніг і брашур^[1]. Сярод важнейшых апублікаваных:

Кармленне і адкорм свіней : падручнік для сельскагаспадарчых тэхнікумаў і раённых калгасных школ / У. П. Лемеш. — Менск: Дзяржаўнае выдавецтва БССР. Сельгассектар, 1935.
Комбинированный силос и его приготовление / В. Ф. Лемеш. — Ленинград; Москва: Сельхозиздат, 1961.
Состав и питательность кормов Белоруссии / В. Ф. Лемеш, В. К. Назаров, А. П. Шпаков, Е. Ф. Тарусова, С. И. Лемеш, З. М. Левина, В. В. Гобзем. — Минск: Сельхозгиз, 1962.
Кормовые нормы и таблицы / В. Ф. Лемеш, А. П. Шпаков, В. К. Назаров. — Минск: Урожай, 1966.
Аминокислотный состав протеина кормов / В. Ф. Лемеш, В. К. Назаров, А. В. Бугаков, Е. Ф. Тарусова, С. И. Лемеш. — Минск: Урожай, 1971.

Грамадская дзейнасць

У. П. Лемеш выбіраўся дэпутатам Вярхоўнага Савета БССР, Віцебскага абласнога і гарадскога Савета дэпутатаў. Быў членам Віцебскага аблвыканкама, Беларускага рэспубліканскага камітэта прафсаюзаў, Віцебскага абкама КПБ, Саюза журналістаў СССР^[1].

Узнагароды

Ордэн Леніна
2 ордэны «Знак Пашаны»
Медаль «За доблесную працу ў Вялікай Айчыннай вайне 1941—1945 гг.»
Медаль «За доблесную працу. У азнаменаванне 100-годдзя з дня нараджэння Уладзіміра Ільіча Леніна»
Малы Залаты медаль ВДНГ^[1]
2 Ганаровыя Граматы Вярхоўнага Савета БССР

Памяць

З 2000 г. імя прафесара У. П. Лемеша носіць кафедра кармлення сельскагаспадарчай жывёлы УА «Віцебская ордэна „Знак Пашаны“ дзяржаўная акадэмія ветэрынарнай медыцыны»^[1].

Зноскі

↑ ^а ^б ^в ^г А. П. Шпаков Владимир Филиппович Лемеш (К 100-летию со Дня рождения)(недаступная спасылка) (руск.)

Літаратура

Лемеш Уладзімір Піліпавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 189.
Лемеш Уладзімір Піліпавіч // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз. — С. 153.

Спасылкі

Лемеш Владимир Филиппович (руск.) // Афіцыйны сайт УА ВДАВМ
Сайт ДУА «Вучэбна-педагагічны комплекс яслі-сад-сярэдняя школа» Архівавана 5 сакавіка 2016.
А. П. Шпаков Владимир Филиппович Лемеш (К 100-летию со Дня рождения)(недаступная спасылка) (руск.) // Часопіс «Белорусское сельское хозяйство»

[bsh-1] а ^б ^в ^г А. П. Шпаков Владимир Филиппович Лемеш (К 100-летию со Дня рождения)(недаступная спасылка) (руск.)

[1]