Уладзімір Уладзіміравіч Васюк

Уладзімір Уладзіміравіч Васю́к (нар. 2 ліпеня 1947, пас. Леніна, Хойніцкі раён, Гомельская вобласць) — беларускі графік.

Уладзімір Уладзіміравіч Васюк
Дата нараджэння	2 ліпеня 1947(1947-07-02) (77 гадоў)
Месца нараджэння	Леніна, Стралічаўскі сельсавет, Хойніцкі раён, Палеская вобласць, БССР, СССР
Грамадзянства	Беларусь
Род дзейнасці	графік
Месца працы	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Жанр	плакат і кніжная графіка
Вучоба	Беларускі дзяржаўны тэатральна-мастацкі інстытут (1978)
Член у	Саюз мастакоў БССР

Біяграфія

Скончыў Беларускі тэатральна-мастацкі інстытут у 1978 годзе. Выкладчык Мінскага мастацкага вучылішча з 1978 года, Беларускай акадэміі мастацтваў з 1987 года.

Член Беларускага саюза мастакоў з 1981 года.

Творчасць

Працуе ў галіне плаката, кніжнай графікі. Асноўныя творы: плакаты «М. Гусоўскі» (1980), «Песнярам зямлі беларускай» (1982), «Пётр Мсціславец — першы беларускі друкар» (1990), «Сымон Будны» (1992); графічная серыя «Прывід маёй маленькай радзімы» (1995). Аформіў кнігі «Праваслаўныя святы» і «Праваслаўнае дойлідства Беларусі» (1995). Аўтар афішаў да спектакляў і святаў.

Літаратура

• Л. Ф. Салавей. Васюк Уладзімір Уладзіміравіч // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Уладзімір Уладзіміравіч Васюк на сайце анлайн-энцыклапедыі «Беларусь у асобах і падзеях»