Фрайбург

Фра́йбург, поўная назва — Фра́йбург-у-Бра́йсгау (ням.: Freiburg im Breisgau, вымаўляецца Фра́йбург ім Бра́йсгау; алем.: Friburg im Brisgau [ˈfʁiːb̥əg̊]) — горад у Германіі, чацвёрты (пасля Штутгарта, Мангейма і Карлсруэ па велічыні горад у зямлі Бадэн-Вюртэмберг.

Горад Фрайбург Freiburg im Breisgau Герб Сцяг Краіна Германія Зямля Бадэн-Вюртэмберг Каардынаты 47°59′41″ пн. ш. 7°50′59″ у. д. Обербургамістр Дзітэр Заламон Плошча 153,07 км² Вышыня цэнтра 278 м Водныя аб’екты Dreisam[d] Насельніцтва 219 665 чалавек (2008) Часавы пояс UTC+1, летам UTC+2 Тэлефонны код 0761 Паштовы індэкс 79098–79117 Аўтамабільны код FR Афіцыйны код 08 3 11 000 Афіцыйны сайт freiburg.de (ням.) Фрайбург на карце Германіі ±

Медыяфайлы на Вікісховішчы

Фрайбургскі мюнстар — гатычны сабор, сімвал горада

Гісторыя

Афіцыйная дата заснавання Фрайбурга — 1120 год. У гэтым жа годзе гораду быў паданы Устаноўчы прывілей, які стаў асновай фрайбургскай прававой сям'і — сістэмы філіяцыі гарадскога права ў Сярэднявеччы. У сярэдзіне XIV стагоддзя горад перайшоў пад уладу аўстрыйскіх Габсбургаў. Легенда абвяшчае, што ў Фрайбургу пражываў манах Бертольд Шварц — еўрапейскі вынаходнік пораху. У 1457 годзе эрцгерцаг Альбрэхт VI Аўстрыйскі заснаваў Фрайбургскі Універсітэт Альберта-Людвіга (ням.: Albert-Ludwigs-Universität Freiburg), адзін з найстарэйшых у Германіі. У XVI стагоддзі ў Фрайбургу пражываў вядомы нямецкі гуманіст Эразм Ратэрдамскі. У XVII стагоддзі Фрайбург быў захоплены французскай арміяй.

Фрайбургскі Мюнстар — галоўная славутасць — будаваўся на працягу 300 гадоў, з пачатку XIII да пачатку XVI стагоддзя. У адрозненне ад шматлікіх іншых пабудоў у цэнтры горада, ён не быў разбураны падчас Другой сусветнай вайны.

Навука, культура, адукацыя

• Універсітэт Фрайбурга
• Музей аўгусцінцаў

Месцазнаходжанне

Фрайбург размешчаны на мяжы паміж Шварцвальдам і Верхнерэйнскай нізінай.

Найбліжэйшыя буйныя гарады: 60 км паўднёвей — Базель (Швейцарыя), каля 86 км паўднёва-усходней — Цюрых (Швейцарыя), каля 85 км паўночней Страсбург (Францыя) і каля 140 км паўночней — Карлсруэ. Сталіца федэральнай зямлі — Штутгарт — знаходзіцца каля 200 км паўночна-усходней Фрайбурга.

Цікавыя факты

9 мая 1940 года Фрайбург падвергся паветранай бамбардзіроўцы, у выніку якой былі ахвяры і разбурэнні.

Нямецкія газеты і радыё са спасылкамі на генштаб і міністэрства замежных спраў паведамілі, што горад бамбіла французская авіяцыя, якая базіравалася на тэрыторыі нейтральных Галандыі і Бельгіі. У афіцыйнай заяве Берліна паведамлялася, што тым самым Брусель і Амстэрдам парушылі дамову пра нейтралітэт.

На наступны дзень, 10 мая 1940 года, вермахт пачаў уварванне ў Галандыю і Бельгію.

Ужо пасля вайны з'явіліся звесткі, што налёт на Фрайбург здзейсніла 51-я бамбардзіровачная эскадра люфтвафэ (KG 51), якой кіраваў Ёзэф Камхубер, у будучыні камандуючы ВПС Федэратыўнай Рэспублікі Германіі.

Па прызнанні памочніка міністра авіяцыі Дж. М. Спейта (у 1940 годзе), бамбардзіроўка горада была ажыццёўлена па прамым загадзе У. Чэрчыля, прэм'ер-міністра Вялікабрытаніі.

Гарады-пабрацімы

• Безансон (Францыя, з 1959 года)
• Інсбрук (Аўстрыя, з 1963 года)
• Падуя (Італія, з 1967 года)
• Гілдфард (Вялікабрытанія, з 1979 года)
• Мадысан (ЗША, з 1987 года)
• Мацуяма (Японія, з 1988 года)
• Львоў (Украіна, з 1989 года)
• Гранада (Іспанія, з 1991 года)
• Ісфахан (Іран, з 2000 года)

Галерэя

• 

  Від на гістарычны цэнтр Фрайбурга з гары Шлосберг (ням.: Schlossberg)

• 

  Галоўны вакзал (від з трамвайнага прыпынку на мосце праз чыгуначныя лініі)

• 

  Гістарычная гарадская брама Марцінстор (ням.: Martinstor)

• 

  ням.: Schwabentor

• 

  Ратуша (ням.: Rathaus)

• 

  ням.: Fischerau

• 

Спасылкі

• На Вікісховішчы ёсць медыяфайлы па тэме Фрайбург
• Афіцыйны сайт горада (ням.)