Францішак Сяліцкі

Францішак Сяліцкі (29 лістапада 1923, Мікуліна, цяпер Даўгінаўскі сельсавет Вілейскага раёна — 2 верасня 2001, Уроцлаў) — славіст, доктар філалагічных навук. Прафесар Інстытута славянскай філалогіі Уроцлаўскага універсітэта.

Францішак Сяліцкі
Дата нараджэння	29 лістапада 1923(1923-11-29)
Месца нараджэння	Мікуліна, Даўгінаўскі сельсавет, Беларусь
Дата смерці	2 верасня 2001(2001-09-02) (77 гадоў)
Месца смерці	Уроцлаў, Ніжнесілезскае ваяводства, Польшча
Род дзейнасці	славіст
Месца працы	Інстытут славянскай філалалогіі Уроцлаўскага ўніверсітэта[d] філалагічны факультэт Уроцлаўскага ўніверсітэта[d]
Навуковая ступень	доктар філалагічных навук
Навуковае званне	прафесар
Альма-матар	Уроцлаўскі ўніверсітэт (1950-я)

Біяграфія

Рэпрэсаваны савецкай уладай у 1941 годзе, зняволены ў Вілейскай турме, вывезены на Алтай. Працаваў пастухом, трактарыстам у саўгасе.

Удзельнік Другой сусветнай вайны. З 1943 года ваяваў у складзе 1-й Варшаўскай пяхотнай дывізіі імя Тадэвуша Касцюшкі. Вызваляў Варшаву ў 1945 годзе. Звольнены з Войска Польскага ў 1948 годзе падчас камуністычных чыстак у званні капітана. На радзіму не вярнуўся.

З успамінаў пра роднае Мікуліна:

Гэта прыгожая вёсачка (хутчэй нават была такою), абкружаная зелянінай садоў і іншых дрэў. Менавіта там у таварыстве сваіх аднагодкаў я правёў першыя гады дзяцінства і пачатак маладосці. Маімі сябрамі ў гульнях былі мае стрыечныя браты і сёстры

У 1950 годзе пачынае вывучаць русістыку ва Уроцлаўскім універсітэце. Ад 1951 года асістэнт кафедры рускай філалогіі. Дырэктар Інстытута славянскай філалалогіі Уроцлаўскага ўніверсітэта (1973—1978), дэкан філалагічнага факультэта (1978—1981), кіраўнік аддзялення славянскіх літаратур.

Аўтар каля 400 прац — манаграфій, падручнікаў, анталогій, лекцый, аўтарэфератаў, артыкулаў, рэцэнзій.

Літаратура

• Мальдзіс А. В. Сялі́цкі Францішак // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 337. — 10 000 экз. — ISBN 985-11-0035-8. — ISBN 985-11-0251-2 (т. 15).
• Адам Мальдзіс. Сялі́цкі Францішак // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 463. — 10 000 экз. — ISBN 985-11-0214-8.

Спасылкі

• Францішак Сяліцкі: «Даўгінаўска — Будслаўска — Крывіцкі рэгіён на даўняй Віленшчыне (гістарычная хроніка)» Архівавана 5 красавіка 2019.