Хоціна (возера, Лепельскі раён)

Хо́ціна — возера ў Беларусі, у Лепельскім раёне Віцебскай вобласці ў басейне ракі Ула, прыкладна за 7 км у напрамку на ўсход ад горада Лепель каля вёсак Ірынполле і Малое Жэжліна.

Хоціна
Морфаметрыя
Даўжыня	1,09 км
Шырыня	0,23 км
Плошча	0,18 км²
Аб’ём	0,0003 км³
Даўжыня берагавой лініі	2,3 км
Найбольшая глыбіня	2,4 м
Сярэдняя глыбіня	1,7 м
Гідралогія
Салёнасць	да 0,22 ‰
Празрыстасць	да 2,1 м
Басейн
Плошча вадазбору	52 км²
Упадаюць	рака Бярозаўка
Выцякаюць	рака Бярозаўка
Размяшчэнне
Краіна	Беларусь
Рэгіён	Віцебская вобласць
Хоціна
Хоціна

Плошча паверхні возера 0,18 км². Даўжыня 1,09 км, найбольшая шырыня 0,23 км. Даўжыня берагавой лініі 2,3 км найбольшая глыбіня 2,4 м, сярэдняя 1,7 м. Аб’ём вады 0,3 млн м³. Плошча вадазбору 52 км².

Катлавіна возера лагчыннага тыпу, выцягнутая ў напрамку з паўночнага ўсходу на паўднёвы захад. Схілы катлавіны вышынёй ад 8—9 (на поўначы і паўночным захадзе) да 10—12 метраў, стромкія. Берагавая лінія слабазвілістая. Берагі возера сплавінныя. Уздоўж паўднёва-усходняга і паўночна-ўсходняга берагоў забалочаная, месцамі тарфяністая пойма шырынёй ад 10—15 да 100—150 м. Дно возера выслана гліністым ілам і крэменязёмістым сапрапелем.
Возера эўтрофнае, праточнае. Цалкам зарастае. Праз Хоціна працякае рака Бярозаўка.

У возеры водзяцца шчупак, лешч, лінь, карась, акунь, плотка і іншыя рыбы.

Літаратура

• Мыслівец І. А. Хоціна // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
• Республика Беларусь. Витебская область. Лепельский район: карта. — Мн.: Белкартография, 2009. — Доп.тираж 3 000 экз. (руск.)
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 29. — 72 с. — 10 000 экз. — ISBN 978-985-508-136-5. (руск.)