Царква ў гонар Раства Іаана Прадцечы (Малыя Жухавічы)
Царква ў гонар Раства Іаана Прадцечы — праваслаўны храм у Малых Жухавічах Карэліцкага раёна Гродзенскай вобласці.
| Славутасць | |
| Царква ў гонар Раства Іаана Прадцечы | |
|---|---|
.jpg) | |
| 53°23′47″ пн. ш. 26°19′10″ у. д.HGЯO | |
| Краіна |
 Беларусь |
| Вёска | |
| Канфесія | БПЦ |
| Епархія | Навагрудская епархія |
| Дата пабудовы | 1782 год |
 |
|
 Медыяфайлы на Вікісховішчы | |
Гісторыя
правіцьПершае апісанне драўлянай уніяцкай царквы ў Малых Жухавічах змяшчаюць дакументы Візітаў уніяцкіх цэркваў Мінскага і Навагрудскага сабораў 1680—1682 гадоў, якія захоўваюцца ў Нацыянальным гістарычным архіве Беларусі. Царква ўзведзена фундацыяй землеўладальніка Пятра Харлінскага.
У цэнтры вёскі. Пабудавана ў 1782 годзе з дрэва, перабудавана ў пачатку 20 ст. У 1882 годзе пабудавана драўляная царкоўнапрыходская школа.
Архітэктура
правіцьПомнік архітэктуры стылю мадэрн. Вырашана працяглым прамавугольным зрубам, які пераходзіць у трохгранную апсіду. З франтальнага боку далучаны вузкі квадратны ў плане прытвор, за якім над галоўным фасадам узвышаецца чатырохгранная шатровая званіца, завершаная макаўкай на гранёным барабане. Такое ж завяршэнне мае апсіда. Гарызантальна ашаляваныя сцены прарэзаны вузкімі прамавугольнымі аконнымі праёмамі ў фігурных разных ліштвах. У дэкоры фасадаў выкарыстаны вуглавыя лапаткі, трохвугольныя сандрыкі, фрызы геаметрычнага арнаментальнага малюнку.
Інтэр’ер
правіцьУ малітоўную залу выступаюць хоры на 2 слупах, пад якімі перагародкамі вылучаны бакавыя памяшканні лесвіцы і прасвірні. Апсіда вылучана драўляным іканастасам.
Літаратура
правіць- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
- «Візіты ўніяцкіх цэркваў Мінскага і Навагрудскага сабораў 1680—1682 гг.» / Укладальнік Д. В. Лісейчыкаў. — Мінск: І. П. Логвінаў, 2009. — 270 с. — С. 138.
Спасылкі
правіць
На Вікісховішчы ёсць медыяфайлы па тэме Царква ў гонар Раства Іаана Прадцечы (Малыя Жухавічы)- Царква ў гонар Раства Іаана Прадцечы (Малыя Жухавічы) на сайце Праваслаўная архітэктура Беларусі (бел.)
- Царква ў гонар Раства Іаана Прадцечы (Малыя Жухавічы) на сайце Radzima.org
- Царква ў гонар Раства Іаана Прадцечы (Малыя Жухавічы) на сайце Глобус Беларусі (руск.)
