Даўжыня пярэдніх крылаў да 4,6 см.
Верхні бок крылаў карычневы з цёмнымі або чорнымі палосамі. Па краі задніх крылаў невялікія светлыя ці белыя плямы. Малюнак, які ўтвараецца спалучэннем цёмных і светлых участкаў, характэрны для віду.
Ніжні бок крылаў больш светлы, чым верхні са светлымі плямамі, размешчанымі характэрным для віду малюнкам.
Яйкі светла-карычневыя, авальнай формы, зверху некалькі пляскатыя. Самка размяшчае іх купкамі на лісце кармавой расліны.
-
Шашачніца Аўрынія
-
△ Шашачніца Аўрынія
Май — чэрвень. На поўначы і ў гарах па ліпень, рэдка па жнівень.
Ліпень — май. Вусені жывуць спачатку ў агульным гняздзе, акукляюцца ў маі пасля зімоўкі.
Месца пражывання
правіць
Від адрозніваецца таксама моцнай індывідуальнай зменлівасцю і ў межах свайго шырокага арэалу ўтварае мноства падвідаў. Намінатыўная форма вядомая з ваколіц Парыжа. У Ірландыі апісаны падвід E. a. hibernica Birch., у Шатландыі — E. a. scotica Robs. і г . д. Аднак найбольшую колькасць разнавіднасцяў вядома з усходніх раёнаў Палеарктыкі. На велізарнай тэрыторыі Сібіры і Далёкага Усходу жыве цэлы шэраг розных папуляцый. Да ліку найбольш распаўсюджаных падвідаў Усходняй Азіі ставяцца E. a. davidi Obth., E. a. sibirica Stdgr. і E. a. lacta Christ. Таксама, адзін і той жа падвід і на адных і тых жа участках у розныя гады можа ўтвараць ўзаемна адрозныя формы.
Месца лёту: Сырыя месцы — сырыя лугі, палі, узлескі, багны і т . п. У Еўропе характэрна лакальнае распаўсюджанне з вялікімі разрывамі.
Распаўсюджанне
правіць
Арэал: Еўропа — цэнтральная і паўднёвая. Расія — Еўрапейская частка, Сібір, Прыамур’е, Прымор'е. Каўказ, Казахстан, Сярэдняя Азія, Паўночна-заходні Кітай, Манголія, Карэя, Марока, Алжыр.
У Маскоўскай вобласці за апошнія 30 гадоў від адзначаны ў Балашыхінскім, Мажайскім, Нара-Фамінскім, Мыцішчынскім, Нагінскім, Арэхава-Зуеўскім, Раменскім, Сергіева-Пасадскім і Серпухаўскім раёнах.
Частата лёту: Не часта.
Кармавыя расліны: каманішнік, скабіёза, наперстаўка, трыпутнік, крынічнік (Veronica chamaedrys і інш.), герань, бузіна, гарычка, валяр'ян, бружмель, спірэя, каліна і інш.
- Чырвоная кніга Маскоўскай вобласці — 2-я катэгорыя (від, які скарачаецца ў колькасці)
- Чырвоная кніга горада Масква — 0-я катэгорыя (зніклы від)
Зноскі
Шашачніца Аўрынія
△ Шашачніца Аўрынія
