Ядловец

Ядловец (Juniperus) — род хвойных раслін сямейства Кіпарысавыя (Cupressaceae).

Ядловец
Juniperus chinensis
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Хвойныя Клас:  Хвойныя Парадак:  Хвоі Сямейства:  Кіпарысавыя Падсямейства:  Кіпарысавыя Род:  Ядловец
Міжнародная навуковая назва
Juniperus L., 1753
Сінонімы
Arceuthos Antoine & Kotschy, 1854 Cedrus Duhamel, 1755, nom. rej. Sabina Mill., 1754
Тыпавы від
Juniperus communis L.
Сістэматыка на Віківідах Выявы на Вікісховішчы ITIS   18047 NCBI   13100 EOL   14001 GRIN   g:6229 IPNI   60436243-2 FW   82142

Батанічнае апісанне

Вечназялёныя дрэвы вышынёй 10—12, радзей да 30 м, ці кусты, часам сцелістыя. Каранёвая сістэма моцная і глыбокая. Растуць марудна, жывуць да 500—1000 гадоў. Большасць відаў — двухдомныя. Лісце іголка- або лускападобнае. Мікрастробілы дробныя, авальныя. Пасля апладнення мегастробілы зрастаюцца паміж сабой і ўтвараюць сакаўныя шышкі, сіне-чорныя ці цёмна-бардовыя, якія выспяваюць на 2—3-і год (часам іх называюць шышкаягадамі або ядлоўцавымі ягадамі).

Арэал і экалогія

Ядловец віргінскі (Juniperus virginiana)

Вядома каля 70 відаў. Пашыраны пераважна ва ўмераным поясе [[Паўночнае паўшар’е|Паўночнага паўшар’я]. На тэрыторыі Беларусі 1 від — ядловец звычайны (uniperus communis), утварае падлесак у хвойных і мяшаных лясах.

Захворванні

Асноўны артыкул: Спіс захворванняў ядлоўца

Выкарыстанне

Тэхнічныя, лекавыя, дэкаратыўныя расліны. Драўніна трывалая, устойлівая супраць насякомых і гніення. Салодкія пахучыя шышкаягады ядлоўца выкарыстоўваюць у харчовай і парфумернай прамысловасці; лісце і маладыя парасткі, багатыя эфірнымі алеямі, што ачышчаюць паветра ад мікробаў — у медыцыне, ветэрынарыі і парфумерыі.

Расліны аказваюць аздараўляльны ўплыў на лес — выдзяляюць фітанцыдаў больш за іншыя хвойныя.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 242. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Можжевельник // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• На Вікісховішчы ёсць медыяфайлы па тэме Ядловец