Ян Карыгер

Ян Карыгер (28 жніўня 1664 — 13 мая 1729) — дзеяч каталіцкай царквы, лінгвіст.

Ян Карыгер
Дата нараджэння	28 жніўня 1664(1664-08-28)
Месца нараджэння	Вармія, Вармінска-Мазурскае ваяводства, Польшча
Дата смерці	13 мая 1729(1729-05-13) (64 гады)
Месца смерці	Прэйлі, Латвія
Род дзейнасці	мовазнавец
Месца працы	Браўнсбергскі езуіцкі калегіум[d] Крожскі езуіцкі калегіум Дынабургскі езуіцкі калегіум Гарадзенскі езуіцкі калегіум Плоцкі езуіцкі калегіум[d] Ковенскі езуіцкі калегіум[d]

Біяграфія

Нарадзіўся ў Прусіі. У 1679 годзе ўступіў у Вільні ў ордэн езуітаў, з 1693 ксёндз. Прафесар паэтыкі і рыторыкі ў Браневе (1693—94), Крожах (1696—97), прэфект школы ў Дынабургу (1699—1700), прафесар філасофіі ў Гародні (1700—02), прэфект школы ў Плоцку (1702—03), Коўне (1703—04). У час Паўночнай вайны вайсковы місіянер (1704—05). Прэфект школы ў Ілукшце (1705—06), Гародні (1709—11), місіянер у Прэлях (1706—09), Шомбергу (1711—12). З 1712 латышскі місіянер у Прэлях і Варклянах. Склаў каштоўны слоўнік латышскай мовы «Lexicon Lothavicum» (не надрукаваны).

Літаратура

• Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.