Яўген Аляксандравіч Карнавухаў

Яўген Аляксандравіч Карнавухаў (23 лютага 1917, Масеева, Наваржэўскі раён, Пскоўская вобласць, Расія — 23 лютага 1984) — савецкі акцёр тэатра і кіно. Народны артыст Беларускай ССР (1955).

Яўген Аляксандравіч Карнавухаў
Дата нараджэння	23 лютага 1917(1917-02-23)
Месца нараджэння	Масеева[d], Остраўскі павет[d], Пскоўская губерня, Расійская імперыя
Дата смерці	23 лютага 1984(1984-02-23) (67 гадоў)
Месца смерці	Масква, РСФСР, СССР
Месца пахавання	Увядзенскія могілкі[d]
Грамадзянства	СССР
Адукацыя	Расійскі дзяржаўны інстытут сцэнічных мастацтваў (1939)
Прафесія	акцёр
Тэатр	Нацыянальны акадэмічны драматычны тэатр імя Максіма Горкага Маскоўскі акадэмічны тэатр імя Уладзіміра Маякоўскага
Узнагароды
IMDb	ID 1251904

Біяграфія

Скончыў Ленінградскі тэатральны інстытут (1939). Працаваў у Дзяржаўным рускім драматычным тэатры Беларусі (1939—1941, 1945—1964), з 1964 года ў Маскоўскім тэатры імя Маякоўскага. У 1941—1945 гадах удзельнічаў у Вялікай Айчыннай вайне.

Выканаўца героіка-рамантычных і характарных роляў. У творчасці спалучаў востры сцэнічны малюнак з эмацыянальнасцю выканання. Сярод роляў у Дзяржаўным рускім драматычным тэатры Беларусі: Фердынанд («Каварства і каханне» Ф. Шылера), Тэадора («Сабака на сене» Лопэ дэ Вегі), Эдмунд («Кароль Лір» У. Шэкспіра), Тузенбах («Тры сястры» А. Чэхава), Барыс Гадуноў («Цар Фёдар Іаанавіч» А. К. Талстога), Камандзір карабля («Аптымістычная трагедыя» У. Вішнеўскага), Эдлай Гамільтан («Дзень нараджэння Тэрэзы» Г. Мдывані).

Зняўся ў беларускіх кінафільмах «Чырвонае лісце», «Гадзіннік спыніўся апоўначы».

Літаратура

• Герштэйн Г. Р. Карнаву́хаў Яўген Аляксандравіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 79—80. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Яўген Аляксандравіч Карнавухаў на сайце анлайн-энцыклапедыі «Беларусь у асобах і падзеях»