Яўген Нікандравіч Мядзведскі

Яўген Нікандравіч Мядзведскі (25 снежня 1918, Віцебск — 11 лютага 2009) — беларускі вучоны ў галіне отарыналарынгалогіі. Кандыдат медыцынскіх навук (1966). Заслужаны ўрач БССР (1968). Заслужаны работнік вышэйшай школы БССР (1978).

Яўген Нікандравіч Мядзведскі
Дата нараджэння	25 снежня 1918(1918-12-25)
Месца нараджэння	Віцебск, Віцебская губерня, РСФСР
Дата смерці	11 лютага 2009(2009-02-11) (90 гадоў)
Грамадзянства	СССР  Беларусь
Род дзейнасці	урач, навуковец, медыцынскі адміністратар, галоўны ўрач
Навуковая сфера	отарыналарынгалогія
Месца працы	Віцебскі медыцынскі інстытут
Навуковая ступень	кандыдат медыцынскіх навук (1966)
Альма-матар	Віцебскі медыцынскі інстытут (1941)
Узнагароды

Біяграфія

Скончыў Віцебскі медыцынскі інстытут (1941). Удзельнік Вялікай Айчыннай вайны. 3 1945 г. галоўны ўрач паліклінікі, загадчык раённага, гарадскога, абласнога аддзелаў аховы здароўя ў Віцебску. У 1954—1990 гадах працаваў у Віцебскім медыцынскім інстытуце (у 1965—1979 рэктар).

Навуковыя працы па абязбольванні пры аперацыях на верхніх дыхальных шляхах і вусе, эпідэміялогіі злаякасных новаўтварэнняў, прафілактыцы ангін, хранічнага танзіліту і інш.

Літаратура

• Мядзведскі Яўген Нікандравіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Медведский Евгений Никандрович (руск.) // Праект «Память народа»