1919 год у гісторыі беларускага выяўленчага мастацтва

1919 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Выкладчыкі Віцебскага народнага мастацкага вучылішча. Злева направа: Эль Лісіцкі, Вера Ермалаева, Марк Шагал, Давід Якерсон, Іегуда Пэн, Ніна Коган, Аляксандр Ром. 26 ліпеня 1919.

Падзеі

• Першы губернскі сход працаўнікоў мастацтваў у Віцебску
• 20 студзеня* — афіцыйнае адкрыццё Беларускага абласнога музея (з 31.8.1923 — Беларускі дзяржаўны музей)
• 28 студзеня — афіцыйнае адкрыццё Віцебскага народнага мастацкага вучылішча ў памяшканні хаты былога банкіра Вішняка па вуліцы Бухарынскай, 10 (зараз — вуліца Газеты «Праўда»)
• Кастрычнік — прыезд Казіміра Малевіча, запрошанага Маркам Шагалам на пасаду прафесара Віцебскіх дзяржаўна-мастацкіх майстэрняў.
• 7 лістапада галоўныя вуліцы і плошчы Віцебска аформлены манументальнымі роспісамі да свята 2-й гадавіны рэвалюцыі. Вялікае палотнішча, размаляванае Маркам Шагалам было размешчана на будынку сабора ў цэнтры горада.
• Лістапад — у Віцебску адкрыта «Першая дзяржаўная выстаўка карцін мясцовых і маскоўскіх мастакоў», у якой прымалі удзел Юдэль Пэн, Марк Шагал, Саламон Юдовін, Уладзіслаў Страмінскі, Абрам Бразер, Эль Лісіцкі, Казімір Малевіч, Леў Зевін, Роберт Фальк, Арыстарх Лянтулаў, Пётр Канчалоўскі і інш.
• Лістапад — Казімір Малевіч пакінуў Віцебскія дзяржаўна-мастацкія майстэрні і заснаваў у Віцебску «Супрэматычную акадэмію»
• Іван Пуні (1894 — 1956) выкладаў у Віцебскім мастацкім вучылішчы

З’явіліся

• Віцебскі абласны краязнаўчы музей

Нарадзіліся

• 20 верасня — Канстанцін Максімцаў, беларускі мастак
• 21 верасня — Пётр Раманоўскі, (пам. 1977), беларускі мастак-жывапісец
• 5 кастрычніка — Пётр Крахалёў (пам. 1997), беларускі мастак-жывапісец
• 1 снежня — Уладзімір Дамарад, беларускі графік
• 13 снежня — Валяр'яна Жолтак (пам. 2000), беларускі мастак-жывапісец

Памерлі

• 2 студзеня — Уладзімір Акушка (нар. 1862), мастак-заснавальнік малдаўскай мастацкай школы, родам з Ашмян
• 19 ліпеня — Юзаф Беркман (нар. 1838), мастак, публіцыст
• Нікадзім Сілівановіч (нар. 1834), беларускі і расійскі мастак

Галерэя жывапісу

• 
  Ілля Чашнік «Супрэматычная кампазіцыя»
• 
  Хаім Суцін «Vue d'un village, Céret en Roussillon»
• 
  Луцыя Балзукевіч «Партрэт Антонія Вівульскага», Нацыянальны музей у Варшаве

Галерэя графікі

• 
  Язэп Драздовіч «Вёска Стадолішча»
• 
  Язэп Драздовіч «Мінск, Траецкая гара»