Candelaria concolor

Candelaria concolor — від ліхенізаваных аскаміцэтаў, уключаны ў род Candelaria сямейства Candelariaceae. Тыпавы від роду.

Candelaria concolor
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Candelariomycetes Voglmayr et Jaklitsch, 2018 Парадак:  Candelariales Сямейства:  Candelariaceae Род:  Candelaria Від:  Candelaria concolor
Міжнародная навуковая назва
Candelaria concolor (Dicks.) Arnold, 1879
Сістэматыка на Віківідах Выявы на Вікісховішчы ITIS   190226 NCBI   104250 EOL   133472 MB   118877

Апісанне

Талам ліставата-лускаваты, лускавінкі 0,2-3×0,1-0,5 мм, круглявыя да лінейных, жаўтлявыя ці жоўта-зялёныя, часта накладаюцца адна на адну, край (зрэдку — уся паверхня) з крупчастымі ізідыямі. На бялёсай ніжняй паверхні слаявіны часта прыкметныя бялёсыя рызіны. Апатэцыі рэдкія, звычайна не развіваюцца, 0,2-0,8 мм у дыяметры, аднаго колеру з таламам або цямней за яго, з уціснутым, затым плоскім дыскам. Эпітэцый жаўтлявы, тэцый бескаляровы. Пікніды бародаўкавыя, пагружаныя, жаўтлявыя або чырванавата-жоўтыя.

Аскі мешкападобныя, з 16-32 спорамі, 60-75×22-50 мкм. Споры вузкаэліптычныя, аднаклетачныя, бясколерныя, 7-12×4,5-5,5 мкм.

Вонкава падобны з Xanthoria candelaria, Xanthoria ucrainica і Xanthoria ulophyllodes, ад якіх адрозніваецца адсутнасцю рэакцыі з растворам KOH (слаявіна ксанторый становіцца крывава-чырвонай).

Арэал і экалогія

Ахоўны статус NatureServe Знаходзяцца ў надзейным стане Secure: Candelaria concolor

Шырока распаўсюджаны лішайнік, вядомы з Еўразіі, Афрыкі, Паўночнай і Паўднёвай Амерыкі. Сустракаецца на ствалах і галінах дрэў (часцей лісцевых), зрэдку — на апрацаванай драўніне, на імхах. Нітрафіл.

Таксанамія і сістэматыка

Сінонімы

• Blasteniospora concolor (Dicks.) Trevis., 1869
• Caloplaca concolor (Dicks.) Jatta, 1900
• Lecanora concolor (Dicks.) Lamy, 1879
• Lichen concolor Dicks., 1793basionym
• Lobaria concolor (Dicks.) Hoffm., 1796
• Physcia concolor (Dicks.) Bagl. & Carestia, 1880
• Teloschistes concolor (Dicks.) Tuck., 1882
• Xanthoria concolor (Dicks.) Th.Fr., 1871

Ахоўны статус

У Расіі від Candelaria concolor занесены ў Чырвоную кнігу Калужскай вобласці.

Літаратура

• Голубкова Н. С. Определитель лишайников средней полосы европейской части СССР / отв. ред. В. П. Савич. — М.—Л.: Наука, 1966. — С. 175—176. — 256 с. — 2 000 экз.
• Рассадина К. А. Определитель лишайников СССР / отв. ред. И. И. Абрамов. — Л.: Наука, 1971. — Т. 1. Петрузариевые, Леканоровые, Пармелиевые. — С. 283. — 412 с.
• Gilbert O. L., James P. W. Candelaria // The lichens of Great Britain and Ireland / C. W. Smith, A. Aptroot, B.J. Coppins [et al.]. — London: British Lichen Society, 2009. — P. 275. — 1046 p.