Casuarinaceae — сямейства атраду Букакветныя (Fagales), якое ўключае больш за 60 дзіўных на выгляд дрэў (вышынёй больш за 30 м) і кустоў (ад 30—50 см да 3-4 м) з тонкімі, звычайна ніцымі, зялёнымі парасткамі, на першы погляд бязлісцевымі.
Распаўсюджаныя ў субтропіках паўднёвага паўшар’я і ў тропіках. Большасць відаў расце ў Аўстраліі, Тасманіі і Новай Каледоніі. Яны часта растуць у эўкаліптавых лясах, часам утвараючы чыстыя насаджэнні ўздоўж узбярэжжа. Casuarina littoralis, як і паркавае дрэва, вырошчваецца таксама ў раёнах з субтрапічным і нават умераным кліматам, напрыклад, у ЗША, у Міжземнамор’і, на Чарнаморскім узбярэжжы Каўказа. Некаторыя віды выкарыстоўваюцца ў Афрыцы, Азіі і Амерыцы на плантацыях уздоўж рэк і каналаў, для аховы палёў і для залясення пустыняў.
Прадстаўнікі сямейства — вечназялёныя дрэвы і кусты. Лісце рэдукаванае (лускаватае, колцападобнае, большай часткай зрослае ў зубчастую «похву»). Міжвузеллі сучлененыя. Кветкі ў коласападобных суквеццях, дробныя, несамастойныя, без калякветніка, аднаполыя. Аднадомныя або радзей двухдомныя ветраапыляльныя расліны. Завязь двухгнездавая: адно гняздо з 2 анатропнымі зачаткамі насення, з якіх развіваецца толькі адзін; другое гняздо стэрыльнае. Археспорый мнагаклетачны. Характэрная множнасць мегаспор, якая надзвычай рэдка сустракаецца ў пакрытанасенных, а таксама халазагамія . Плады ў выглядзе невялікіх шышак. Плод арэхападобны, з крылападобнымі вырастамі.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- Нечитайло В. А., Кучерява Л. Ф. Ботаніка. Вищі рослини. — Київ : Фітосоціоцентр, 2001. — С. 235. — 500 прим. — ISBN 966-7459-80-2.
