Букакветныя
Букакветныя (Fagales) — парадак пакрытанасенных раслін, які ўключае некалькі добра вядомых сямействаў дрэваў, такіх як Бярозавыя, Букавыя, Арэхавыя і некаторыя іншыя.
| Букакветныя | ||||||||||||
 Бук лясны (Fagus sylvatica) | ||||||||||||
| Навуковая класіфікацыя | ||||||||||||
|---|---|---|---|---|---|---|---|---|---|---|---|---|
| Міжнародная навуковая назва | ||||||||||||
|
Fagales Engl., 1892 | ||||||||||||
| Сямействы | ||||||||||||
| ||||||||||||
| ||||||||||||
Батанічная характарыстыка парадкуПравіць
Сямействы парадку Букакветныя (у адпаведнасці з сучаснай сістэмай класіфікацыі APG II) пераважна ветраапыляльныя кусты ці дрэвы з жалезістымі ці зорчатымі валаскамі. Часта аднаполыя, але звычайна аднадомна размеркаваныя кветкі маюць просты, як правіла, вельмі рэдукаваны калякветнік, і, як правіла, ніжнюю завязь з вельмі невялікай колькасцю семязавязяў у пладалісціку. Пылковая трубка пранікае ў (няспелую) семязавязь праз халазу, плод — звычайна аднанасенны арэх, насенне без эндасперма.
КласіфікацыяПравіць
Старыя крыніцы, якія выкарыстоўваюць сістэму класіфікацыі Кронквіста, уключалі ў гэты парадак толькі чатыры сямействы: бярозавыя (Betulaceae), ляшчынавыя (Corylaceae), букавыя (Fagaceae) і Ticodendraceae (у сучасных сістэмах класіфікацыі ўсе ляшчынавыя уключаны ў сямейства бярозавых). Астатнія сямействы разбівалі ў тры розных парадку і размяшчалі іх у падкласе Hamamelidae. Casuarinales утрымлівалі ў сабе адно сямейства Casuarinaceae, Hamamelididae утрымлівалі сямействы арэхавых (Juglandaceae) і раіптэлейных (Rhoipteleaceae), а Myricales астатнія сямействы (а таксама Belanops).
Прычынай змяненняў сталі даследаванні, падчас якіх стала зразумела, што Myricales, вызначаныя такім чынам, з'яўляюцца парафілетычнымі ў адносінах да дзвюх іншых груп.
Жалуды Quercus ilex
Лісце і арэхі Corylus colurna
Вольха шэрая (Alnus incana)
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
ЛітаратураПравіць
- Ботаника. Учебник для вузов: в 4 т = Lehrbuch der Botanik für Hochschulen Begründet von E. Strasburger, F.Noll / Под ред. А. К. Тимонина, И. И. Сидоровой. — М.: Изд. центр «Академия», 2007. — Т. 3. — С. 472. — 576 с. — ISBN 978-5-7695-2746-3.
СпасылкіПравіць
- Букакветныя: інфармацыя на сайце APWeb (англ.)(Праверана 20 красавіка 2010)