Naviband
NAVIBAND, або NAVI (бел.: Наві́) — беларускі гурт, які спявае ў жанры інды-поп, фолк-рок. Прадстаўнік Беларусі на конкурсе песні «Еўрабачанне 2017» з песняй на беларускай мове «Гісторыя майго жыцця».
| NAVIBAND | |
|---|---|
 | |
| Асноўная інфармацыя | |
| Жанры | інды-поп, фолк-рок |
| Гады | 2013 — сённяшні дзень |
| Краіна |
 Беларусь |
| Горад | Мінск |
| Адкуль | Мінск |
| Іншыя назвы | NAVIBAND |
| Мова песень | беларуская, руская |
| Склад |
Ксенія Жук, Арцём Лук’яненка, Аляксандр Табольскі, Уладзіслаў Чашчавік, Уладзімір Бегер |
| Афіцыйная сайт | |
 Медыяфайлы на Вікісховішчы |
|
Гісторыя гурта правіць
2013—2014 правіць
Гурт NAVI быў заснаваны 14 лютага 2013 — пасля амаль выпадковай сустрэчы Ксеніі Жук і Арцёма Лук’яненка. Так сталася, што абодва музыкі знаходзіліся ў той час у творчым пошуку. Абодва вакаліста ўжо даўно збіраліся змяніць стылістыку, у якой яны гралі да таго часу. Можна сказаць, што калектывы, у якіх яны раней працавалі, былі супрацьлеглымі па гучанню і стылістыцы. Спалучыўшы такія розныя напрамкі, яны вырашылі паспрабаваць і спець адну песню дуэтам.[1]
Першапачатковая назва гурта NAVI, як кажуць самі музыкі, не мае ніякага значэння. Але з англійскай мовы сугучнае «navy» перакладаецца як «флот», у грузінскай мове сугучнае «navi» — «лодка», у італьянскай «nave» — таксама «лодка». Таксама NAVI гэта назва ўкраінскай кіберспартыўнай каманды
У 2013 годзе музыку гурта NAVI ацаніла Дыяна Арбеніна, разам з ёй музыканты выступілі ў двух юбілейных канцэртах Начных Снайпераў. Таксама станоўча музыку NAVI ацаніў Сяргей Бабкін, на адным з яго сольных канцэртаў NAVI выступілі на разагрэве.
У студзені 2014 адбылася прэзентацыя першага альбома гурта пад назвай «Лаві». Улетку 2014 група ўзяла ўдзел у буйным польскім фестывалі Halfway festival, дзе выступіла на адной сцэне з Lisa Hannigan. У снежні 2014 года выйшаў акустычны альбом гурта на беларускай мове «Сонцам сагрэтыя»!
Летам 2015 года музыканты перамаглі ў намінацыі «Адкрыццё года», а таксама ўзялі «Лепшую песню на роднай мове» у Нацыянальнай музычнай прэміі «Ліра». Былі ўдзельнікамі галоўнай сцэны фестывалю «Дружба» разам з такімі гуртамі, як «Нагу звяло», «Сяргей Бабкін», «Дэльфін» і «Animal Джаз», неаднаразовыя госці фестывалю «Басовішча-2015». Зімой 2015 года NAVI выступілі на калядных канцэртах у Маскве на пляцоўках ля Вялікага тэатра, дзе былі цёпла прынятыя публікай.[2]
2015—2016 правіць
У чэрвені 2015 група выступіла на буйным расійскім фестывалі «Дзікае мята» разам з такімі мэтрамі як: «Акварыум», «Tequilla Jazz», Ніно Катамадзэ, «Млын», Zdob și Zdub.
Намінанты беларускай музычнай прэміі «Героі года-2015» ад Тузін Гітоў, узялі Гран-пры конкурсу «Засьпявай 2.0», пераможцы конкурснай праграмы «Басовішча-2015».
2017 правіць
Фіналісты беларускага нацыянальнага адбору на «Еўрабачанне-2016» (з песняй «Гэта зямля»), «Еўрабачанне-2017» (песня «Гісторыя майго жыцця»). 20 студзеня 2017 перамаглі ў нацыянальным адборы з песняй «Гісторыя майго жыцця». Такім чынам песня на беларускай мове ўпершыню трапіла на міжнародны конкурс «Еўрабачанне».
У студзені 2017 года выпусцілі новы альбом «Иллюминация» (Ілюмінацыя), у склад якога ўвайшлі 8 песень (4 на беларускай мове, 4 на рускай). У склад альбома ўвайшоў дуэт, запісаны з Я. Грышкаўцом.
14 лютага (традыцыйна для гурта) адбыўся вялікі сольны канцэрт і прэзентацыя новага альбома ў мінскім клубе «RE:PUBLIC». Па выніках галасавання ў паўфінале «Еўрабачання» 11 сакавіка 2017 трапілі ў лік фіналістаў конкурсу, дзе затым занялі 17-е месца.
2018 правіць
22.2.2018, у Дзень роднай мовы, гурт NaviBand сумесна з беларускай гімнасткай Меліцінай Станютай прэзентавалі відэа народнай песні «Рэчанька».
2020 правіць
Улетку 2020 года гурт запісаў песню «Іншымі», у якой «кожнае слова адлюстроўвае ўсё, што адбываецца цяпер наўкол», і асудзіў гвалт сілавых структур Беларусі ў дачыненні да мірных дэманстрантаў падчас пратэстаў у Беларусі.
2021 правіць
У студзені 2021 года гурт падзяліўся навіной, што іх песні патрапілі ў т.зв. «бан» («чорны спіс») арганізатараў студэнцкіх і школьных конкурсаў і святаў.
Склад правіць
- Ксенія Жук — вакал, клавішы
- Арцём Лук’яненка — вакал, гітара
- Уладзіслаў Чашчавік — бас
- Аляксандр Табольскі — электроніка
- Уладзімір Бегер — ударныя
Дыскаграфія правіць
Альбомы правіць
| Год | Арыгінальная назва | Па-беларуску |
|---|---|---|
| 2014 | Лови | Лаві |
| 2014 | Сонцам сагрэтыя | - |
| 2016 | Live in Minsk | У прамым эфіры з Мінску |
| 2016 | Мы Просыпаемся | Мы Прачынаемся |
| 2017 | Иллюминация | Ілюмінацыя |
| 2017 | Адной дарогай | - |
| 2019 | NaviBand | Гурт Наві |
| 2020 | Отпускаю | Адпушчаю |
Сінглы правіць
| Год | Арыгінальная назва | Па-беларуску |
|---|---|---|
| 2015 | Доброе утро | Добрага ранку |
| 2015 | Плакалі ветры | - |
| 2016 | Гэта зямля | - |
| 2017 | Гісторыя майго жыцця | - |
| 2017 | А дзе жывеш ты? | - |
| 2018 | Бяжы | - |
| 2018 | Рэчанька | - |
| 2018 | Молодость в кармане | Маладосць у кішэні |
| 2018 | Сумне море | Сумнае мора |
| 2018 | Аднойчы І Назаўжды | - |
| 2019 | Вдаль | Удалечыню |
| 2019 | Галилео (Два человека) | Галілеа (Два чалавека) |
| 2019 | When the Party’s Over | Калі вечарыны скончаны |
| 2019 | Один из нас | Адзін з нас |
| 2020 | Іншымі | - |
| 2020 | Девочка в белом | Дзяўчынка ў белым |
| 2020 | Миллионы больших сердец | Мільёны вялікіх сэрцаў |
| 2021 | Снег | Снег |
| 2021 | Вольныя сны | - |
| 2021 | Плейлисты | Плэйлісты |
| 2021 | Girl in White | Дзяўчынка ў белым |
| 2021 | Однажды | Аднойчы |
| 2021 | Сумнае свята | - |
| 2022 | Мары | - |
| 2022 | Свяці | - |
| 2022 | Печаль | Смутак |
| 2023 | Біжи | Бяжы |
| 2023 | Купалінка | - |
| 2023 | Поезд | Цягнік |
| 2024 | Прабач | - |
Зноскі
Спасылкі правіць
- Афіцыйная сайт
- Афіцыйная старонка ў Facebook.com
- Афіцыйная старонка ў VK.COM
- "Басовішча-2015″. Другі дзень Архівавана 24 сакавіка 2017. // racyja.com — Беларускае Радыё Рацыя
- Фан-старонка ва Укантакце