«Spasenie» – беларускі гурт хрысціянскага і поп-року з Брэста, які быў створаны ў 1989 годзе[1][2].

Spasenie
Ігар Муха, Дэйв Гір, Павел Шэльпук, Майк Чобі (злева направа) з гурта Spasenie ў 2011 годзе
Ігар Муха, Дэйв Гір, Павел Шэльпук, Майк Чобі (злева направа) з гурта Spasenie ў 2011 годзе
Асноўная інфармацыя
Жанры хрысціянскі рок, поп-рок
Гады 1989 – наш час
Краіна  Беларусь
Горад Брэст
Іншыя назвы Спасение
Мова песень руская, англійская
Лэйблы Music Center C, Новое Христианское Творчество
Склад Ігар Муха
Павел Шэльпук
Пётр Семянюк
Майк Чобі
Дзмітрый Галадко
spasenie.com

Гісторыя правіць

Гурт быў створаны ў жніўні 1989 года[3], калі вакол гітарыста, скрыпача, саксафаніста (маладыя музыкі давалі імправізаваны канцэрт у цэнтральным парку горада Брэста) стыхійна сабралася каля 150 чалавек. Хлопцы проста гралі музыку і раптам, па завяршэнні адной з песень, пачулі ззаду сябе апладысменты. Уражаныя гэтым удзельнікі зразумелі, што трэба збірацца ў гурт[4].

У тым жа годзе хлопцы пачалі рэпетаваць, ствараць першыя песні і ўжо праз некалькі месяцаў іх запрасілі на гастролі па Якуціі[4].

У 2006 годзе гурт да свайго сямнаццацігоддзя даў буйны канцэрт з аркестрам у Палацы Рэспублікі, запіс якога быў выдадзены на DVD-дыску «17 Live»[4].

Асаблівасцю калектыву зяўляецца тое, што музыку піша не адзін чалавек, а ўсе[4].

Гурт вельмі часта ездзіў на гастролі за мяжу: музыкі з выступленнямі наведалі краіны Балтыі, Украіну, Румынію, Польшчу, Германію, Канаду, Расію, ЗША, Велікабрытанію, Паўднёвую Карэю, ПАР і іншыя регіёны[5][6][7].

Свае трыццацігоддзе гурт адсвяткаваў буйным канцэртам з аркестрам 3 жніўня 2019 года на плошчы Леніна ў Брэсце[8].

Назва гурта правіць

Назва «Spasenie» (руск.: Спасение) прыйшла ўдзельнікам тады яшчэ безназоўнага гурта ў галаву напачатку 90-х гадоў XX стагоддзя, калі хлопцы ехалі ў цягніку ў тур па Якуціі, і сведчыць, што музыка для іх і ёсць выратаванне. «Бог даў кожнаму дар, талент і прызванне. І для чалавека ёсць сапраўднае выратаванне знайсці ўсё гэта», – дакладна распавядаў пра выбар назвы Вольге Самусік з «Музыкальнай газеты» франтмен Ігар Муха ў 2005 годзе [9].

Моўнае пытанне правіць

Першыя 15 год свайго існавання гурт быў выключна рускамоўным, але з выхадам альбома «Crossing the Jordan» англійскай мовы ў яго творчасці стала значна больш. Вакаліст Ігар Муха так адказваў на пытанне пра мовы ад Вольгі Самусік з «Музыкальнай газеты»: «Мы ж жывем у Брэсце. Гэта фактычна мяжа. Ёй уласціва змешванне моў. Вельмі шмат слоў з украінскай, польскай... Не было ніколі ні чыстай беларускай, ні рускай. Таму мы раней спявалі не на роднай мове, а па-руску. Хоць я прызнаю бясспрэчную меладычнасць беларускай. Англійская ж таксама вельмі музычна гнуткая. Калі параўноўваць яе з рускай, то на апошняй спяваць складаней з-за ўсіх гэтых літараспалучэнняў „бр“, „стр“ і г.д. Таму нам перайсці было зусім не складана»[9].

Сацыяльная актыўнасць правіць

Гурт ладзіць для гуртоў фестываль-конкурс рок-музыкі «X-Star» (з 2005 года), а таксама арганізуе штогадовы вялікі моладзевы канцэрт у Брэсце пад назвай «Город света» (з 2009 года)[10]. Таксама ўдзельнікі выступаюць супраць абортаў[11].

У 2019 годзе гурт разам з Нацыянальнай акадэміяй навук Беларусі падрыхтаваў і запусціў экскурсійны маршрут «Брэст – горад Бібліі»[12][13].

Дыскаграфія правіць

Альбомы правіць

  • Хабаровский край (1992)
  • Возвращение домой (мюзікл) (1992)
  • Старые песни (1992)
  • Мой Бог скала (1993)
  • Только Ты (1995)
  • Человек без зубила (1997)
  • Бьют часы (1998)
  • Exit (1999)
  • Летит безжалостное время (2000)
  • ... а Солнце за кормой (2001)
  • Еврейский альбом (2001)
  • Без слов о том же (з удзелам Ігара Рудага) (2003)
  • Кардиограмма (2003)
  • Crossing the Jordan (з удзелам Ціма Спрэнсі і Бэкі Шарп) (2004)
  • Acoustic (2007)
  • Spasenie (2009)
  • Reboot (з удзелам Браяна Мантры) (2011)
  • Вечные слова (2012)

Кампіляцыі правіць

  • 10 лет, The Best (1999)

Канцэртныя DVD правіць

Удзел у складанках правіць

Кліпы правіць

  • Никто кроме Тебя
  • Расстояние (2003)
  • На метр от земли (2004)
  • Плачет небо / The Word Was Spoken (2005)
  • Осень
  • Странные сны

Узнагароды і намінацыі правіць

2006 год – прэмія Альфа-радыё  (руск.) «Залатое вуха»[15].

2009 год – намінацыя ў конкурсе «Just Pain Folks Music Awards» за песню «... а Солнце за кормой»[16].

2009 год – намінацыя «За ўклад у развіццё музыкі» на Штогадовай Прэміі Евангельскай Музычнай Асацыяцыі.

2010 год – фестываль «Радыё Брэст» «Знай Наших - 3»: лепшы гурт, лепшы франтмен (Ігар Муха).

2019 год – Ганаровая грамата Брэсцкага гарадскога Савета дэпутатаў[8].

Удзельнікі правіць

  • Ігар Муха – вакал, саксафон, акустычная гітара (1989—)
  • Павел Шэльпук – вакал, скрыпка, гітара, бас-гітара (1989—)
  • Пётр Семянюк – клавішныя, вакал (1989—)
  • Майк Чобі – бас-гітара
  • Дзмітрый Галадко – сола-гітара
Аўтар тэкстаў
  • Аляксандр Барысюк – гітара (1989—)
Тэхнік гуку
  • Андрэй Кавальчук
Былыя ўдзельнікі і гастрольныя музыкі

Таццяна Шэльпук (вакал, клавішныя), Вадзім Семянюк (бубны), Віталь Калежынскі (бубны), Ежы Хайчук (бубны), Аляксандр Манецкі (бубны), Дэйв Гір (бубны), Леанід Барысевіч (сола-гітара), Васіль Машлякевіч (бас-гітара), Станіслаў Янчын (бас-гітара), Дзмітрый Бранавіцкі, Андрэй Кляшчоў, Дэні Плэт, Браян Мантры і інш.[17].

Зноскі правіць

  1. Христианин | Спасение (руск.)(недаступная спасылка). xristianin. Архівавана з першакрыніцы 6 жніўня 2019. Праверана 6 жніўня 2019.
  2. ХРИСТИАНИН │ Спасение (руск.)(недаступная спасылка). www.xristianin.org. Архівавана з першакрыніцы 6 жніўня 2019. Праверана 6 жніўня 2019.
  3. Агейчик, Светлана. Альбом "Crossing the Jordan" брестской группы Spasenie совместно с американцами из Crossroads (руск.). Музыкальная газета (2005). Архівавана з першакрыніцы 6 жніўня 2019. Праверана 6 жніўня 2019.
  4. а б в г Перлин, Евгений (2006) [2006]. "Spasenie Нести Бога в музыке". Музыкальная газета [руская]. 49. Архівавана з арыгінала 2019-08-06. {{cite journal}}: Невядомы параметр |dead-url= ігнараваны (прапануецца |url-status=) (даведка)
  5. Гитарист Фила Коллинза продюсирует брестскую группу "Spasenie" (руск.). Интерфакс-Запад (10 чэрвеня 2005). Архівавана з першакрыніцы 7 жніўня 2019. Праверана 7 жніўня 2019.
  6. Брест : Концерт «Любимой женщине» камерного оркестра филармонии и группы «Спасение» (руск.). Виртуальный Брест (6 сакавіка 2017). Архівавана з першакрыніцы 7 жніўня 2019. Праверана 7 жніўня 2019.
  7. Магдысюк, Сергей. Группе Спасение - 20 лет! (руск.). Виртуальный Брест (30 снежня 2009). Архівавана з першакрыніцы 22 верасня 2017. Праверана 11 снежня 2019.
  8. а б Мощик, Сергей. Скрипка со столетней брестской историей. На концерте «Спасения» произошло чудо возвращения (руск.). Вечерний Брест  (руск.) (4 жніўня 2019). Архівавана з першакрыніцы 8 жніўня 2019. Праверана 8 жніўня 2019.
  9. а б Самусик, Ольга (2005). "Spasenie :: В Музыке" [руская] (23). Музыкальная газета. Архівавана з арыгінала 2019-08-06. Праверана 2019-08-06. {{cite journal}}: Шаблон цытавання journal патрабуе |journal= (даведка); Невядомы параметр |dead-url= ігнараваны (прапануецца |url-status=) (даведка)
  10. Мощик, Сергей. Лидер группы «Спасение» Игорь МУХА: «После “Песняров” у нас нет никого...» (руск.). Вечерний Брест  (руск.) (3 жніўня 2019). Архівавана з першакрыніцы 6 жніўня 2019. Праверана 6 жніўня 2019.
  11. Зробок, Ольга. Интервью с солистом группы “Spasenie” Игорем Мухой накануне концерта 1 июня в клубе “Реактор” (руск.)(недаступная спасылка). TUT.BY (26 мая 2005). Архівавана з першакрыніцы 30 жніўня 2019. Праверана 30 жніўня 2019.
  12. Полякова, Виктория (2019-10-25) [2019]. "Лидер группы «Спасение» Игорь Муха: «Мы выросли в раю»". Брестская газета (newspaper) [руская]. 43 (880): 8–9.{{cite journal}}: Папярэджанні CS1: date і year (link)
  13. БГ (2020-01-17) [2020]. "В новый год с надеждами и «осторожным, тревожным оптимизмом»". Брестская газета (newspaper) [руская]. 3 (892): 8.{{cite journal}}: Папярэджанні CS1: date і year (link)
  14. а б "Спасенне", хрысціянская музычная група (Брэст) . Нацыянальная бібліятэка Беларусі. Архівавана з першакрыніцы 27 жніўня 2019. Праверана 27 жніўня 2019.
  15. Честнова, Катерина. Артистам добавили ушей (руск.)(недаступная спасылка). Вечерний Минск  (англ.) (27 сакавіка 2006). Архівавана з першакрыніцы 4 сакавіка 2016. Праверана 6 жніўня 2019.
  16. Руткевич, Диана. Группа Spasenie номинирована на премию Just Pain Folks Music Awards (руск.). БелаПАН (19 кастрычніка 2006). Архівавана з першакрыніцы 6 жніўня 2019. Праверана 6 жніўня 2019.
  17. Группа Спасение (SPASENIE band) Биография - Христианская Онлайн Энциклопедия | Портал Христианин Christian.by (руск.). encyclopedia.christian.by. Архівавана з першакрыніцы 6 жніўня 2019. Праверана 6 жніўня 2019.

Літаратура правіць

Спасылкі правіць