Ёхан Кёлер
Ёхан Кёлер (эст.: Johann Köler, 8 сакавіка 1826, Вастэмыйза Вільяндзінскага павета, Эстонія — 22 красавіка 1899, Санкт-Пецярбург) — эстонскі жывапісец і акварэліст, заснавальнік нацыянальнай школы жывапісу.
| Ёхан Кёлер | |
|---|---|
| эст.: Johann Köler | |
 | |
| Дата нараджэння | 8 сакавіка 1826[1] |
| Месца нараджэння | |
| Дата смерці | 22 красавіка 1899[2][1] (73 гады) |
| Месца смерці | |
| Месца пахавання | |
| Грамадзянства |
 Расійская імперыя |
| Род дзейнасці | мастак, выкладчык універсітэта |
| Месца працы | |
| Жанр | жывапіс |
| Вучоба | |
| Узнагароды |
 |
 Медыяфайлы на Вікісховішчы | |
Біяграфія
правіцьЁхан Кёлер нарадзіўся ў небагатай сялянскай сям'і, быў у бацькоў сёмым дзіцем. Школьную адукацыю атрымаў у Вільяндзі, затым вывучаў жывапіс у Цэсісе.
Скончыў Пецярбургскую АМ у 1855 годзе.
У 1857—1862 гадах вучыўся і працаваў у Рыме і Парыжы. Ён наведвае таксама Бельгію і Галандыю, у 1858 годзе здзяйсняе паездку ў Італію праз Альпы, жыў у Мілане, Рыме, Фларэнцыі і ў Жэневе. У Італіі мастак захапіўся акварэллю.
З 1862 года ў Пецярбургу. Выкладаў у школе Таварыства заахвочвання мастакоў (1862—1863) і АМ (1869—1870, з 1867 прафесар).
У 1886—1889 гадах мастак жыў і працаваў у Вене, Парыжы і ў Ніцы. І.Кёлер удзельнічаў таксама ў культурным жыцці эстонцаў. У 1860-1890-х гадах ён з'яўляўся адным з выдатных дзеячаў дэмакратычнага крыла эстонскага нацыянальнага руху. У Санкт-Пецярбургу сябраваў з адным з лідараў эстонскага нацыянальнага адраджэння, пісьменнікам Карлам Робертам Якабсанам. У 1891—1893 гадах ён быў старшынёй Эстонскага літаратурнага саюза (Eesti Kirjameeste Selts).
Творчасць
правіцьПісаў пераважна камерныя і парадныя партрэты, рэлігійныя і міфалагічныыя кампазіцыі.
Сярод твораў: «Геркулес выводзіць Цэрбера з пекла» (1855), аўтапартрэт (1859), «Дзяўчынка ля крыніцы» (1859—1861), партрэты бацькі і маці мастака (1857—1864), «Абуджэнне ад чароўнага сну, або Эстонская легенда» (1864—1865), «Ева з гранатам» (1879—1880), «Праклён Ларэляў манахамі» (1887) і інш.
Зноскі
- ↑ а б Howard J. Johann Köler // Köler, Johann // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T047201
- ↑ Johann Koeler // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
- ↑ Кёлер Йохан // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 25 лютага 2017.
Літаратура
правіць- Кёлер Іохан // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
- Эрм В. Ю. Кёлер, 1826—1899: (Иохан Кёлер). — М.: Искусство, 1960. — 52, [16] с. — 10 000 экз. (обл.)
Спасылкі
правіць- Колыбель эстонской культуры. // moles.ee. Праверана 2012-6-27. (руск.)
Галерэя
правіць-
І.Кёлер Аўтапартрэт (1859) -
Партрэт Філіпа Карэла, асабістага ўрача Мікалая I і Аляксандра II (1886) -
Дзяўчына з Рыма (1858) -
Партрэт дачкі М.П.Сямёнава (1865) -
Італьянскі пейзаж -
Італьянка з дзецьмі (1862) -
Хрыстос на крыжы (1857-1859) -
Родная хаціна (1868) -
Ларэлей (1887) -
Ева пасля грэхападзення (1883) -
Жаночы партрэт -
Ф.Р.Крэйцвальд чытае рукапіс «Калевіпаэга» (1864)
