Ісак II Ангел (грэч. Ισαάκιος Β’ Άγγελος; каля 1156 — студзень 1204) — візантыйскі імператар у 11851195 і 12031204 гадах. Стаў першым прадстаўніком дынастыі Ангелаў, якая кіравала краінай 19 гадоў.

Ісак II Ангел
грэч. Ισαάκιος Β’ Άγγελος
Пячатка Ісака II Ангела
Пячатка Ісака II Ангела
Візантыйскі імператар
12 верасня 1185 — 8 красавіка 1195
Сумесна з Аляксей IV (1203 — 1204)
Папярэднік Андронік I Камнін
Пераемнік Аляксей III Ангел
Візантыйскі імператар
1 жніўня 1203 — 25 студзеня 1204
Папярэднік Аляксей III Ангел
Пераемнік Аляксей V Дука Мурзуфл
Нараджэнне 1155[1][2][…]
Смерць 28 студзеня 1204
Род Ангелы (заснавальнік)
Бацька Андронік Дука Ангел[d][3]
Маці Ефрасіння Ангеліна[d][3]
Жонка Ірына Палеалог[d][3] і Маргіт Венгерская[d][3][4]
Дзеці Ірына Ангеліна[3], Раманава[d], Іаан Ангел Сірмійскі[d], Мануіл Ангел[d] і Аляксей IV Ангел[5]
Веравызнанне Праваслаўе
Дзейнасць палітык
Лагатып Вікісховішча Медыяфайлы на Вікісховішчы

Прыйшоўшы да ўлады на хвалі незадаволенасці палітыкай Андроніка I Камніна, ён так і не змог захаваць імперыю ў былых межах. Дэспат Кіпра Ісак Камнін разбіў яго флот, балгарскія браты Асені арганізавалі паўстанне, падчас якога пад бокам Візантыі ўзнікла Другое Балгарскае царства, а сербскі жупан Стэфан Неманя абвясціў сябе незалежным кіраўніком. Краіна калацілася ад пастаянных паўстанняў і мяцяжоў супраць новага басілеўса[6].

Ісак паспеў праславіцца сваёй жорсткасцю і цягай да раскошы, і ў выніку быў зрынуты і аслеплены прыхільнікамі ўласнага брата — Аляксея[7]. Толькі ў 1203 годзе пры дапамозе крыжакоў былы кіраўнік са сваім сынам ізноў занялі адняты прастол, але ненадоўга. Праз некалькі месяцаў пасля іх звяржэння Канстанцінопаль быў захоплены лацінянамі, а Візантыйская імперыя распалася на некалькі незалежных дзяржаў.

Зноскі

  1. Lundy D. R. Isaak II Angelus, Emperor of Constantinople // The Peerage Праверана 9 кастрычніка 2017.
  2. Isaak II. Angelos (Isaak) // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
  3. а б в г д Kindred Britain
  4. (unspecified title) Праверана 7 жніўня 2020.
  5. Lundy D. R. The Peerage
  6. Сказкин Ф. И. Глава 14. Внешнеполитическое положение Византии в конце XII в. Четвёртый крестовый поход и захват Константинополя // История Византии. — М., 1967. — Т. 2.
  7. Дашков С. Б. Алексей IV Ангел // Императоры Византии. — М., 1997.

Спасылкі правіць