БКМ-843
БКМ-843 — нізкападлогавы трохсекцыйны трамвай, які вырабляецца беларускім заводам «Белкамунмаш». Прызначаны для эксплуатацыі на трамвайных лініях з шырынёй каляіны 1524 мм. Вагон з дзвюма маторнымі і адной падтрымліваючай цялежкамі і электроннай сістэмай кіравання на IGBT-модулях цягавымі электрарухавікамі пераменнага току выпускаецца ў адна- і двухбаковай мадыфікацыях.
| БКМ-843 | |
|---|---|
 Першы прататып БКМ-843 у Мінску. | |
| Вытворца |
 Белкамунмаш |
| Адзінак пабудавана | 29 |
| Гады выпуску | 2008 — сучаснасць |
| Папярэднік | АКСМ-743 |
| Пераемнік | БКМ-Stadler 853 |
| Характарыстыкі | |
| Максімальная хуткасць | 100 км/г |
| Месцаў для сядзення | 56 |
| Поўная змяшчальнасць | 226 (8 чал/м²) |
| Нізкападлогавасць | 84% |
| Тып кантролера | ручны |
| Тып тормаза | гідраўлічны |
| Напружанне сеткі | 550 В |
| Колькасць дзвярэй |
|
| Ацяпленне кабіны | каларыфер, кандыцыянер |
| Габарыты | |
| Каляіна | 1524 мм |
| Даўжыня | 25 400 мм |
| Шырыня | 2500 мм |
| Вышыня | 3900 мм |
| Рухавікі | |
| Магутнасць | 4 х 105 кВт |
| БКМ-843 на Вікісховішчы | |
У СНД гэта першы даведзены да серыі і штатнай эксплуатацыі сучасны трохсекцыйны нізкападлогавы трамвай.
Канструкцыя правіць
Для БКМ-843 характэрныя такія асаблівасці, як модульная канструкцыя кузава, сучасны дызайн, вонкавая абшыўка з кампазітных матэрыялаў, нізкі ўзровень падлогі (складае 80 % плошчы салона), камплектуючыя для цялежак ад вядучых фірмаў Германіі, гідраўлічная тармазная сістэма нямецкай фірмы KNORR-BREMSE, цягавыя электрарухавікі нямецкай фірмы VEM, шарнірнае злучэнне нямецкай фірмы HUBNER, цягавы электрапрывад вытворчасці польскай кампаніі MEDCOM. Пры гэтым электраабсталяванне знаходзіцца на даху, ужываюцца CAN-тэхналогіі, маюцца каляровы ВК-манітор вялікага фармату на пульце кіроўцы, пандус для пасажыраў з абмежаванай здольнасцю да перасоўвання нямецкай фірмы HÜBNER. Эканомія электраэнергіі складае да 50 % у параўнанні з аналагічнымі мадэлямі.
Тэхнічныя характарыстыкі правіць
| Пасажыразмяшчальнасць, чал. | 226 |
| Колькасць месцаў для сядзення | 66 |
| Цягавыя электрарухавікі | 4 х 105 кВт |
| Вышыня падлогі над маторнымі цялежкамі | 600 мм |
| Вышыня падлогі ў нізкай частцы вагона | 350 мм |
| Габарытныя памеры | 25 400 х 3900 × 3900 мм |
| Максімальная хуткасць | 100-120 км/г (заяўленая), 86 км/г (фактычная) |
Эксплуатацыя правіць
Па стане на кастрычнік 2015 г. трамваі БКМ-843 эксплуатуюцца наступнымі гарадамі[1]:
| Краіна | Горад | Кампанія-эксплуатант | Тып | Гады выпуску | Колькасць вагонаў | Заказаны |
|---|---|---|---|---|---|---|
| Беларусь
|
Мінск | Мінсктранс | БКМ-843 | 2008 — 2011 | 5 | — |
 Расія
|
Казань | Метраэлектратранс | БКМ-843, БКМ-845, БКМ-84500К | 2013 — 2014, 2017 | 20 | — |
| Санкт-Пецярбург | Гарэлектратранс | БКМ-843 | 2012 | 3 | — | |
 Украіна
|
Кіеў | Кіеўпастранс | Багдан TR843 | 2011 | 1 | — |
Мінск правіць
Першы асобнік мадэлі АКСМ-843 серабрыстага колеру паступіў у Мінскі трамвайны парк у пачатку 2009 г. Яму быў прысвоены паркавы нумар 157. У першы рэйс па маршруце № 5 адправіўся 25 чэрвеня 2009 г. і да верасня 2009 г. праходзіў вопытную эксплуатацыю. З лістапада 2009 г. працуе на сталай аснове на маршруце № 1.
У сакавіку 2010 г. у трамвайны парк Мінска паступіў другі асобнік трамвая АКСМ-843 вішнёвага колеру, які атрымаў нумар 158. У першы рэйс па маршруце № 1 ён выехаў 21 красавіка 2010 г.
Трэці асобнік з бартавым нумарам 163 выйшаў на лінію па маршруце № 1 25 мая 2011 г., а чацвёрты (бартавы нумар 164) — 23 жніўня. У далейшым некаторыя трамваі былі перададзеныя ў іншыя гарады, а некаторыя былі сапсаваныя. У сучаснасці выкарыстоўваюцца трамваі з бартавымі нумарамі 158 і 163. Вагоны пад бартавымі нумарамі 157, 164 і 165 рыхтуюцца да ўвядзення ў эксплуатацыю.
Кіеў правіць
У канцы 2011 г. у Кіеў для эксплуатацыі ў сістэме хуткаснага трамвая паступіў аднабаковы вагон з заводскім нумарам 3. Планавалася сумесная вытворчасць з кампаніяй «Багдан», таму вагон крыху пазней атрымаў назву «Багдан TR843» і заводскі нумар 1. З 2013 г. вагон прастойваў з прычыны праблем з цялежкамі[2]. 9 кастрычніка 2015 г. вагон паехаў па маршруце № 3. 10 кастрычніка 2015 г. ён быў прадстаўлены на трамвайным парадзе і ажыццявіў паездку з пасажырамі да Падольскага дэпо. А 11 кастрычніка 2015 г. ён быў перададзены ў Дарніцкае дэпо. З 14 кастрычніка па 26 лістапада 2015 г. вагон працаваў з перапынкамі на створаным спецыяльна для яго маршруце № 5к, а затым зноў стаў на просты з прычын аднаўлення праблемы з цялежкай. Бартавы нумар 701 вагону надалі ў дэпо імя Шаўчэнкі.
Санкт-Пецярбург правіць
17 снежня 2012 г. у Санкт-Пецярбург у трамвайны парк № 5 паступіў першы вагон мадэлі БКМ 843, дзе яму надалі бартавы нумар 5211. 28 снежня 2012 г. у трамвайны парк № 5 паступіў другі вагон мадэлі БКМ-843, дзе яму надалі бартавы нумар 5212. 25 студзеня 2013 г. у трамвайны парк № 5 паступіў трэці вагон мадэлі БКМ-843, дзе яму надалі бартавы нумар 5213.
Гэтымі вагонамі, разам з пастаўкай таксама ў канцы 2012 г. аналагічных вагонаў КТМ-31 расійскай вытворчасці, манаполія ПТМЗ на пастаўку трамваяў у паркі Санкт-Пецярбурга была падарвана.
Казань правіць
У сакавіку 2012 г. дэлегацыя з Казані наведала ААТ «Белкамунмаш» з мэтай вывучэння эксплуатацыйных характарыстык і абмеркавання магчымых варыянтаў набывання[3]. Патрэбнасць горада ў выкарыстанні на лініі хуткаснага трамвая на першым этапе была ацэнена ў 20 вагонаў[4]. У кастрычніку стала вядома пра размяшчэнне заказу такой буйной партыі АКСМ-843 з пастаўкай у пачатку 2013 г. напярэдадні Універсіяды-2013. Лізінгадаўцам выступіла ЗАТ «Сбербанк Лизинг», а вартасць здзелкі склала 1,014 млрд расійскіх рублёў[5].
15 красавіка 2013 г. у трамвайнае дэпо Казані паступілі першыя 2 вагоны з запланаваных 20[6]. Першы вагон выйшаў на рэйс 7 мая 2013 г., другі быў заяўлены на 15—17 мая[7].
Да пачатку Універсіяды 6 ліпеня былі пастаўлены 12 вагонаў, астатнія прыйшлі к жніўню. Вагонам пачалі даваць нумары, пачынаючы з 1300. Вагоны маюць цёмна-рубінавы (бардова-вішнёвы) колер.
Па стане на 25 красавіка 2014 г. прыйшлі ўсе 20 вагонаў[8].
Планы паставак у іншыя гарады правіць
Масква правіць
Другі асобнік трамвая АКСМ-843 планавалася адправіць у сакавіку 2010 г. у Маскву для вопытнай эксплуатацыі. Адпраўка не адбылася, таму зараз вагон знаходзіцца ў Мінску[9].
Даўгаўпілс правіць
Планаваліся пастаўкі пад канец 2013 г. чатырох вагонаў у латвійскі Даўгаўпілс, але пастаўкі сарваліся[10].
Зноскі
- ↑ БКМ 843 — Список подвижного состава — TransPhoto. transphoto.ru. Праверана 17 кастрычніка 2015.
- ↑ Киев, трамвайный вагон № 701 — СТТС
- ↑ Делегация Казани посетила ОАО «Белкоммунмаш»(недаступная спасылка)
- ↑ Рустам Минниханов: «Говорят, что страна должна меняться. Но разве она не меняется?»
- ↑ Коммерсантъ Казань - «Сбербанк Лизинг» поставит Казани высокоскоростные трамваи на 1 млрд рублей
- ↑ Фото: Казань, трамвай БКМ 84300М № Зав.10; Казань, трамвай БКМ 84300М № Зав.11; Казань — Новые трамваи — СТТС. Архівавана з першакрыніцы 20 красавіка 2013. Праверана 17 красавіка 2013.
- ↑ Первый скоростной трамвай запустили в Казани в преддверии Универсиады
- ↑ БКМ 843 — Список подвижного состава — СТТС
- ↑ Беларусь. БЕЛТА — Фотохроника Беларуси. Фотоновости. Архивные фото(недаступная спасылка). Архівавана з першакрыніцы 22 жніўня 2014. Праверана 16 чэрвеня 2016.
- ↑ Даугавпилчане будут ездить все-таки на белорусских трамваях » Новости Даугавпилса и Латвии. Видео новости дня на Грани.LV
Спасылкі правіць
- Трамвай мадэлі 843 // bkm.by — Афіцыйны сайт БелКамунМаш (руск.)