Абрубскі сельсавет
Абру́бскі сельсавет — адміністрацыйна-тэрытарыяльная адзінка ў складзе Глыбоцкага раёна Віцебскай вобласці Беларусі. Цэнтр — аграгарадок (да 2008 г. вёска) Абруб (Абруб-Ластавіцкі), размешчаны за 10 км ад райцэнтра г. Глыбокае.
| Абрубскі сельсавет | |
|---|---|
| Краіна |
 Беларусь |
| Уваходзіць у | Глыбоцкі раён |
| Уключае | 17 населеных пунктаў |
| Адміністрацыйны цэнтр | Абруб (Абруб-Ластавіцкі) |
| Дата ўтварэння | 12 кастрычніка 1940 |
| Старшыня сельсавета | Славецкі Анатоль Міхайлавіч |
| Кіраўнік справамі | Піскуновіч Маргарыта Яўгеньеўна |
| Юрыдычны адрас сельвыканкама | 211824, Віцебская вобласць, Глыбоцкі раён аг. Абруб вул. Школьная, 12[1] |
| Насельніцтва (2019) | 1 169 |
| Шчыльнасць | 15,26 чал./км² (4-е месца) |
| Плошча | 95,18 км² |
.svg) |
|
| Часавы пояс | UTC+03:00 |
| Тэлефонны код | +375 2156 |
| Код аўтам. нумароў | 2 |
| Афіцыйны сайт | |
Сельсавет мяжуе з Падсвільскім, Азярэцкім, Карабоўскім, Галубіцкім сельсаветамі Глыбоцкага раёна, а таксама з Докшыцкім раёнам. Плошча Абрубскага сельсавета — 9518 га. У склад сельсавета ўваходзяць 17 населеных пунктаў[2].
Гісторыя
правіцьУтвораны 12 кастрычніка 1940 года як Ластавіцкі сельсавет з цэнтрам у в. Ластавічы, у складзе Глыбоцкага раёна Вілейскай вобласці БССР. З 20 верасня 1944 года ў складзе Полацкай вобласці.
Рашэннем райвыканкама ў красавіку 1948 года Ластавіцкі сельскі савет быў перайменаваны ў Абрубскі з цэнтрам у вёсцы Абруб. З 8 студзеня 1954 года ў складзе Маладзечанскай вобласці. 31 сакавіка 1958 года да сельсавета далучана частка скасаванага Дзеркаўшчынскага сельсавета (7 населеных пунктаў: Кавалеўшчына, Маліноўшчына, Навасёлкі, Прыперна, Сарокі, Ступішча і Хмяльнова)[3] З 20 студзеня 1960 года ў складзе Віцебскай вобласці[4]. На 1 студзеня 1974 года ў складзе сельсавета 31 населены пункт[5].
Падчас калектывізацыі ў пасляваенны час і ўзбуйнення калектыўных гаспадарак былі пераселены і зніклі вёскі Дзехцяры (Дзехцяры-Шыпоўскія) (42 двары), Майсеенкі (28 двароў), Русакі (24 двары). 28 сакавіка 2011 года ліквідавана вёска Навасёлкі[6]. Хутары Дзехцяры і Субатава фактычна не існуюць: адсутнічаюць жыхары і будынкі.
Геаграфія
правіцьАдгор’і Свянцянскіх град са сярэднеўзвышаным рэльефам займаюць большую частку тэрыторыі Абрубскага сельсавета. На ўсход ад вёскі Кавалі знаходзіцца найвышэйшая кропка Глыбоцкага раёна, праз якую праходзіць Чарнаморска-Балтыйскі водападзел. Гідраграфічную сетку тэрыторыі сельсавета ўтвараюць азёры Ластавіцкае, Белае, Крывое, Чачалёўскае (Ражон) і ракі Аржаніца, Бярозаўка і іх прытокі, якія ставяцца да басейна Балтыйскага мора. Зашчэслянскі канал і прытокі рэк Чысцянка і Манашка нясуць ваду да Чорнага мора.
Насельніцтва
правіцьНасельніцтва сельсавета паводле перапісу 2009 года — 1382 чалавекі[7], з іх 95,3 % — беларусы, 2,7 % — рускія, 1,2 % — палякі[8]; паводле перапісу 2019 года — 1169 чалавек[9].
У 2018 г. у 14 населеных пунктах сельсавета пражывала каля 1347 чалавек, што складала 7,38 % ад сельскага насельніцтва Глыбоцкага раёна[10].
| Дынаміка насельніцтва (год) | 1949 | 1959 | 1969 | 1979 | 1989 | 1999 | 2009 | 2018 |
| Колькасць жыхароў | 4791 | 4342 | 3452 | 2747 | 2131 | 1849 | 1547 | 1343 |
Гаспадарка
правіцьНа тэрыторыі Абрубскага сельсавета знаходзіцца:
- Сельскагаспадарчае ўнітарнае прадпрыемства «Каралі»
- Сельскагаспадарчае ўнітарнае прадпрыемства «За Радзіму»
- Гравійна-сартавальны завод, ф-л РУП «Дарбудіндустрыя» (в. Бацілоўшчына)[10]
- Цяплічная гаспадарка базіснага гадавальніка Глыбоцкага лясгаса[11]
Транспарт
правіцьТранспартныя зносіны з райцэнтрам ажыццяўляецца па аўтобусных маршрутах:
- Глыбокае — Падсвілле
- Глыбокае — Запалоўе
- Глыбокае — Шуневіча
- Глыбокае — Круляўшчызна
- Глыбокае — Докшыцы
- Глыбокае — Мінск
Славутасці
правіць- Свята-Успенская царква (1748) —
Гісторыка-культурная каштоўнасць Беларусі, шыфр 213Г000392 - Стараверская царква Богаз’яўлення Гасподняга (Дрэўлеправаслаўнай паморскай царквы), другой паловы ХІХ ст.[12], в. Ластавічы
- Капліца могілкавая ХІХ ст. у в. Сарокі
- Помнікі загінулым у Другой сусветнай вайне (Абруб[13], Бацілоўшчына[14], Прыпернае[13])
- Памятны знак спаленым вёскам Глыбоцкага раёна[15](ля в. Лаўрынаўка)
- «Кавалеўская гара» — геалагічны помнік прыроды мясцовага значэння, найвышэйшы пункт Глыбоцкага раёна (226,4 м) ля в. Кавалі[16]
- «Камень Прыпернянскі» — геалагічны помнік прыроды мясцовага значэння (в. Прыпернае)[16]
- Геалагічны заказнік мясцовага значэння «Малінаўшчынскія ўзвышшы» (ля в. Прыпернае)[16]
-
Кавалі. Свята-Успенская царква -
Ластавічы. Стараверская царква Богаз'яўлення Гасподняга -
«Кавалеўская гара» -
Абруб-Ластавіцкі. Помнік землякам -
Бацілоўшчына. Помнік загінулым воінам -
Мемарыял памяці спаленых вёсак Глыбоцкага раёна (Лаўрынаўка)
.jpg)
.jpg)
.jpg)
Страчаная спадчына
правіць.jpg)
- Царква ў в. Сарокі
Зноскі
- ↑ Глыбоцкі раённы выканаўчы камітэт
- ↑ Сельские Советы депутатов Глыбоцкі раённы выканаўчы камітэт Архівавана 7 мая 2020. (руск.)
- ↑ Рашэнне выканкома Маладзечанскага абласнога Савета дэпутатаў працоўных ад 31 сакавіка 1958 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 3.
- ↑ Фарміраванне тэрыторыі Глыбоцкага раёна Архівавана 11 жніўня 2020. Глыбоцкі гісторыка-этнаграфічны музей
- ↑ Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 44. — 248 с. — 10 000 экз.
- ↑ Решение Глубокского районного Совета депутатов от 28.03.2011 г. № 55 Об упразднении сельских населенных пунктов Архівавана 5 жніўня 2016.
- ↑ Колькасць насельніцтва населеных пунктаў Віцебскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Насельніцтва населеных пунктаў Віцебскай вобласці Беларусі паводле перапісу 2019 года
- ↑ а б ИСЧЕЗНУВШИЕ ДЕРЕВНИ ОБРУБСКОГО СЕЛЬСОВЕТА (руск.) ДУК Глыбоцкая централізаваная бібліятэчная сістэма
- ↑ Глубокский опытный лесхоз Архівавана 28 красавіка 2020. (руск.)
- ↑ ХРАМ БОГОЯВЛЕНИЯ ГОСПОДНЯ, ЛАСТОВИЧИ (ДПЦ) (руск.)
- ↑ а б Помнікі землякам. Глыбоцкі раён «Прыдзвінскі край: гісторыя і сучаснасць»
- ↑ Памятны знак воінам. Глыбоцкі раён, в. Бацілоўшчына «Прыдзвінскі край: гісторыя і сучаснасць»
- ↑ Памятны знак спаленым вёскам Глыбоччыны. Глыбоцкі раён, в. Лаўрынаўка «Прыдзвінскі край: гісторыя і сучаснасць»
- ↑ а б в РЕШЕНИЕ ГЛУБОКСКОГО РАЙОННОГО ИСПОЛНИТЕЛЬНОГО КОМИТЕТА 4 января 2018 г. № 18 (руск.)
Літаратура
правіць- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.