Аляксандр Патапавіч Валынец

Аляксандр Патапавіч Валыне́ц (нар. 2 лютага 1935) — вучоны ў галіне фізіялогіі і біяхіміі раслін, доктар біялагічных навук (1974), прафесар.

Аляксандр Патапавіч Валынец
Дата нараджэння	2 лютага 1935(1935-02-02) (89 гадоў)
Месца нараджэння	Берказы, Q9269204?, Пінскі павет, Палескае ваяводства, Польская Рэспубліка
Грамадзянства	СССР, Беларусь
Род дзейнасці	біяхімік
Навуковая сфера	фізіялогія раслін[d] і біяхімія раслін[d]
Месца працы	Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	доктар біялагічных навук
Навуковае званне	прафесар
Альма-матар	Брэсцкі дзяржаўны ўніверсітэт імя А. С. Пушкіна (1960)
Партыя	КПСС
Прэміі	прэмія Нацыянальнай акадэміі навук Беларусі
Узнагароды

Біяграфія

Нарадзіўся ў вёсцы Берказы (зараз у Пінскім раёне Брэсцкай вобласці Беларусі) у сям’і чыгуначніка. Скончыў сямігодку ў Паняцічах, потым сярэднюю школу ў Малатковічах. У 1955 годзе паступіў на хіміка-біялагічны факультэт Брэсцкага педагагічнага інстытута, які скончыў у 1960 годзе. У час вучобы ў інстытуце двойчы прымаў удзел у асваенні цалінных зямель у Казахстане. Пасля інстытута працаваў настаўнікам хіміі і біялогіі у Гродзенскім раёне, у сярэдня школе вёскі Жытомля. З 1961 г. у аспірантуры пры Інстытуце эксперыментальнай батанікі АН БССР, у 1964 годзе абараніў кандыдацкую дысертацыю пад кіраўніцтвам прафесара С. М. Маштакова. У 1974 годзе абараніў доктарскую дысертацыю ў Вільнюскім універсітэце.

Навуковая дзейнасць

Асноўныя працы вучонага ў галіне вывучэння эндагенных рэгулятараў росту, хімічнай рэгуляцыі росту і развіцця раслін, выбіральнасці дзеяння гербіцыдаў. Аўтар больш за 340 навуковых прац, 8 манаграфій, 8 патэнтаў на вынаходніцтвы. Пад кіраўніцтвам А. П. Валынца падрыхтавана 8 кандыдацкіх дысертацый.

Сярод апублікаванага:

• Взаимодействие эндогенных регуляторов роста и гербицидов. — Мн., 1980.;
• Физиологическое действие некоторых гербицидов на растения. — Мн., 1971. (у сааўтарстве);
• Ароматические оксисоединения — продукты и регуляторы фотосинтеза. — Мн.: Наука и техника, 1983. (у сааўтарстве):
• Физиология плодообразования люцерны. — Мн.: : Право и экономика, 2003. (у сааўтарстве)

Узнагароды

• Медаль «За асваенне цалінных зямель».
• Прэмія прэзідэнтаў НАН Украіны, НАН Беларусі, АН Малдовы (1996).
• Прэмія Нацыянальнай акадэміі навук Беларусі 2007 года за цыкл прац «Фитопатофизиология: Молекулярные механизмы регулирования болезнеустойчивости растений» (разам з З. Я. Сяровай).
• Нагрудны знак "Юбилейны медаль «У гонар 80-годдзя Нацыянальнай акадэміі навук Беларусі» (2010).

Літаратура

• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 408.
• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• Александр Потапович Волынец, доктор биологических наук, профессор (руск.) // Інстытут эксперыментальнай батанікі імя В. Ф. Купрэвіча НАН Беларусі
• Премии Национальной академии наук Беларуси 2007 года (руск.) // Сайт НАН Беларусі
• Валынец, Аляксандр Патапавіч (доктар біялагічных навук; нар. 1935)(недаступная спасылка) // Нацыянальная бібліятэка Беларусі