Аляксандр Пятровіч Даўжэнка
Аляксандр Пятровіч Даўжэнка (укр.: Олександр Петрович Довженко, руск.: Алекса́ндр Петро́вич Довже́нко; 11 верасня 1894, хутар Уюнішча, Чарнігаўская губерня, Расійская імперыя, цяпер Чарнігаўская вобласць Украіны — 25 лістапада 1956, пасёлак Перадзелкіна, Маскоўская вобласць, РСФСР) — украінскі кінарэжысёр, пісьменнік. Заслужаны дзеяч мастацтва Украіны (1939), народны артыст Расіі (1950).
| Аляксандр Пятровіч Даўжэнка | |
|---|---|
| укр.: Олександр Петрович Довженко | |
 | |
| Дата нараджэння | 29 жніўня (10 верасня) 1894 |
| Месца нараджэння | |
| Дата смерці | 25 лістапада 1956[1][2][…] (62 гады) |
| Месца смерці | |
| Месца пахавання | |
| Грамадзянства | |
| Муж | Юлія Сонцава[d] |
| Адукацыя | |
| Месца працы | |
| Прафесія | кінарэжысёр, сцэнарыст, кінапрадзюсар, пісьменнік, мантажор, дыпламат, рэжысёр |
| Прэміі |
  |
| Узнагароды |
        |
| IMDb | ID 0235590 |
 Медыяфайлы на Вікісховішчы | |
У 1957 годзе імем названа кінастудыя імя А. Даўжэнкі.
Біяграфія правіць
Скончыў Глухаўскі настаўніцкі інстытут (1914). Вучыўся ва Украінскай акадэміі мастацтва ў Кіеве (1917—1919). У 1926—1928 гадах працаваў на Адэскай кінафабрыцы, у 1929—1941 гадах — на Кіеўскай студыі мастацкіх фільмаў, з 1946 года — на «Масфільме».
Творчасць правіць
Сярод фільмаў: «Сумка дыпкур’ера» (1927), «Звяні-гара» (1928), «Арсенал» (1929), «Зямля» (1930), «Іван» (1932), «Аэраград» (1935), «Шчорс» (1939), «Мічурын» (1949); дакументальныя «Бітва за нашу Савецкую Украіну» (1943) і «Перамога на Правабярэжнай Украіне» (1945, разам з Ю. Сонцавай). Фільмы А. Даўжэнкі філасофскія, рамантычна прыўзнятыя, паэтычныя, з метафарычнасцю кінамовы, блізкія да традыцый украінскага фальклору. Аўтар апавяданняў («Маці», «Перад боем», «Перамога» і інш.), аўтабіяграфічнай аповесці «Зачараваная Дзясна» (выд. 1957), кінааповесцей «Аповесць палымяных гадоў» (1944—45), «Паэма пра мора» (1956).
Фільм «Зямля» ўвайшоў у спіс 12 лепшых фільмаў усіх часоў і народаў па версіі Сусветнай выставы 1958 года ў Бруселі.[3]
Прэміі і ўзнагароды правіць
- Дзяржаўныя прэміі СССР (1941, 1949)
- Ленінская прэмія (1959, пасмяротна).
Бібліяграфія правіць
- Собр. соч. Т. 1—4. М., 1966—1969.
Зноскі
- ↑ Internet Movie Database — 1990. Праверана 12 жніўня 2015.
- ↑ Alexander Petrowitsch Dowschenko // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
- ↑ https://poltava-trend.in.ua/uk/eternal-1856-yak-yaresky-pobachyv-uves-svit-poltavski-krayevydy-u-filmah-dovzhenka
Літаратура правіць
- Даўжэнка // БЭ ў 18 т. Т 6. — Мн., 1998.
- Марьянов А. Довженко. — М., 1968.
- Уроки Александра Довженко: Сб. ст. — Киев, 1982.
Спасылкі правіць
- Аляксандр Даўжэнка на сайце «KINO-КОЛО» (укр.)
