Аляксандр Усцінавіч Шэлег

Аляксандр Усцінавіч Шэ́лег (5 чэрвеня 1935, в. Бярозаўка, Пухавіцкі раён, Мінская вобласць) — беларускі фізік. Доктар фізіка-матэматычных навук (1989), прафесар (1991).

Аляксандр Усцінавіч Шэлег
Аляксандр Шэлег
Дата нараджэння	5 чэрвеня 1935(1935-06-05) (88 гадоў)
Месца нараджэння	Бярозаўка, Цітвянскі сельсавет, Рудзенскі раён, БССР, СССР
Грамадзянства	Беларусь
Род дзейнасці	фізік
Навуковая сфера	фізіка
Месца працы	Навукова-практычны цэнтр НАН Беларусі па матэрыялазнаўстве
Навуковая ступень	доктар фізіка-матэматычных навук (1989)
Альма-матар	БДУ (1957) Рудзенская сярэдняя школа (1952)

Біяграфія

У 1952 г. скончыў Рудзенскую СШ.

Скончыў у 1957 годзе БДУ. З 1957 года ў Інстытуце фізікі цвёрдага цела і паўправаднікоў НАН Беларусі, з 1975 года загадчык лабараторыі.

Навуковая дзейнасць

Навуковыя працы па фізіцы крышталёў, хімічных сувязях у іх і фазавых пераходах, дынаміцы крышталічных рашотак. Выявіў несувымерныя фазы, ў шэрагу крышталёў паўправадніковых злучэнняў тыпу A²B⁵ і даследаваў іх уласцівасці. Вывучыў характар пераўтварэнняў працягла-перыядычных звышструктур у залежнасці ад тэмпературы.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• Шэлег Аляксандр Усцінавіч на сайце анлайн-энцыклапедыі «Беларусь у асобах і падзеях»