Аляксандр Уладзіміравіч Юрэвіч
Аляксандр Юрэвіч (нар. 8 жніўня 1979, Ліда) — беларускі футбаліст (абаронца) і трэнер. Вядомы па выступах за салігорскі «Шахцёр» і барысаўскі БАТЭ, разам з якімі стаў сяміразовым чэмпіёнам Беларусі, трохразовым уладальнікам Кубка Беларусі. За нацыянальную зборную Беларусі (2006—2011) правёў 32 матчы. З’яўляецца членам клуба Сяргея Алейнікава.
 Аляксандр Юрэвіч | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Агульная інфармацыя | ||||||||||||||||
| Поўнае імя | Аляксандр Уладзіміравіч Юрэвіч | |||||||||||||||
| Нарадзіўся |
8 жніўня 1979[1][2] (43 гады) |
|||||||||||||||
| Грамадзянства |
 Беларусь |
|||||||||||||||
| Рост | 174 см | |||||||||||||||
| Вага | 78 кг | |||||||||||||||
| Пазіцыя | абаронца | |||||||||||||||
| Інфармацыя пра клуб | ||||||||||||||||
| Клуб |
 Беларусь (да 17) |
|||||||||||||||
| Пасада | галоўны трэнер | |||||||||||||||
| Клубная кар’ера[* 1] | ||||||||||||||||
|
||||||||||||||||
| Нацыянальная зборная[* 2] | ||||||||||||||||
|
||||||||||||||||
| Трэнерская кар’ера | ||||||||||||||||
|
||||||||||||||||
| Узнагароды і медалі | ||||||||||||||||
|
||||||||||||||||
У цяперашні час працуе галоўным трэнерам юнацкай зборнай Беларусі.
Клубная кар’ераПравіць
Выхаванец лідскага футбола, гуляў за мясцовы клуб, а ў 2000 годзе перайшоў у салігорскі «Шахцёр». У 2005 годзе выйграў чэмпіёнства з гарнякамі, быў капітанам салігорскага клуба. У ліпені 2007 года перайшоў у львоўскія «Карпаты», але не замацаваўся там і ў лютым 2008 года стаў іграком барысаўскага БАТЭ.
Доўгі час быў трывалым іграком асновы барысаўскага клуба, выступаў на пазіцыі левага або правага абаронцы. Тройчы дапамог БАТЭ прайсці ў групавы этап Лігі чэмпіёнаў, 17 снежня 2009 года забіў гол у браму «Эвертана», які дапамог барысаўчанам здабыць першую ў гісторыі гасцявую перамогу ў групавых раўндах еўракубкаў (1:0). У сезоне 2012 стаў радзей з’яўляцца на полі, саступаючы месца больш маладым ігракам.
У студзені 2014 года пакінуў БАТЭ па заканчэнні кантракта і перайшоў у «Шахцёр»[3]. У складзе «Шахцёра» заняў месца асноўнага левага абаронцы і зноў стаў капітанам каманды. У снежні 2014 года падоўжыў кантракт з салігорцамі[4].
У сезоне 2015 саступіў капітанства Арцёму Старгародскаму, але заставаўся трывалым іграком асновы. Звычайна гуляў левым абаронцам, але некаторы час выкарыстоваўся ў апорнай зоне. У лістападзе 2015 года зноў падоўжыў кантракт з «Шахцёрам»[5]. У сезоне 2016 быў асноўным апорным паўабаронцам каманды. У снежні 2016 года новы галоўны трэнер салігорскага клуба Алег Кубараў абвясціў, што Юрэвіч пакідае «Шахцёр»[6]. У студзені 2017 года завяршыў гульнявую кар’еру, застаўшыся ў Салігорску ў якасці трэнера[7].
Міжнародная кар’ераПравіць
Гуляў за моладзевыя зборныя Беларусі, з 2006 па 2011 выступаў за нацыянальную зборную.
Трэнерская кар’ераПравіць
Пасля завяршэння кар’еру ў пачатку 2017 года ўвайшоў у трэнерскі штаб дубліруючага складу «Шахцёра», дзе стаў дапамагаць Сяргею Нікіфарэнку. У ліпені 2017 года, пасля прызначэння галоўным трэнерам «Шахцёра» Марака Зуба, быў пераведзены ў асноўную каманду ў якасці яго асістэнта[8]. У студзені 2018 года зноў перайшоў на працу ў дубль[9].
У снежні 2019 года ўзначаліў юнацкую зборную Беларусі да 17 гадоў[10].
ДасягненніПравіць
Чэмпіён Беларусі (7): 2005, 2008, 2009, 2010, 2011, 2012, 2013-
Срэбраны прызёр чэмпіянату Беларусі: 2016 -
Бронзавы прызёр чэмпіянату Беларусі (6): 2002, 2004, 2006, 2007, 2014, 2015 - Уладальнік Кубка Беларусі (3): 2004, 2010, 2014
- Уладальнік Суперкубка Беларусі (2): 2010, 2011
- Найлепшы абаронца чэмпіянату Беларусі (2): 2005, 2010
- У спісе 22 найлепшых футбалістаў чэмпіянату Беларусі (7): 2004, 2005, 2006, 2008, 2009, 2010, 2011
- Уваходзіць у Клуб Сяргея Алейнікава.
Зноскі
- ↑ Aleksandr Yurevich // Transfermarkt — 2000. Праверана 9 кастрычніка 2017.
- ↑ Alyaksandr Yurevich // FBref.com
- ↑ Александр Юревич покинул БАТЭ и перешел в "Шахтер"
- ↑ Котенко, Юревич, Матвейчик, Старгородский и Ковалев продлили контракты с «Шахтером»
- ↑ Александр Юревич продлил контракт с "Шахтером"
- ↑ Старгородский и Юревич покинут "Шахтер"
- ↑ Александр Юревич завершил карьеру
- ↑ Александр Юревич станет ассистентом Зуба
- ↑ В солигорском «Шахтере» большие изменения в тренерском штабе
- ↑ Александр Юревич возглавил юношескую сборную Беларуси U-17
СпасылкіПравіць
- Профіль на афіцыйным сайце БАТЭ (руск.)