Анатоль Іванавіч Радкевіч

Анатоль Іванавіч Радке́віч (13 лістапада 1898, Віцебск — 8 мая 1977) — беларускі энтамолаг, дацэнт (1961). Удзельнік Грамадзянскай і Вялікай Айчыннай войнаў. Бацька Усевалада Анатолевіча Радкевіча.

Анатоль Іванавіч Радкевіч
Дата нараджэння	13 лістапада 1898(1898-11-13)
Месца нараджэння	Віцебск, Віцебская губерня, Расійская імперыя
Дата смерці	8 мая 1977(1977-05-08) (78 гадоў)
Грамадзянства	Расійская імперыя  СССР
Род дзейнасці	навуковец
Навуковая сфера	энтамалогія
Месца працы	Віцебская дзяржаўная акадэмія ветэрынарнай медыцыны Віцебскі дзяржаўны ўніверсітэт імя П. М. Машэрава
Альма-матар	Віцебскі дзяржаўны ўніверсітэт імя П. М. Машэрава

Біяграфія

Скончыў Віцебскі інстытут народнай адукацыі ў 1923 годзе. Выкладаў заалогію і сельскагаспадарчую энтамалогію ў Віцебскім сельскагаспадарчым тэхнікуме ў 1922—1924 гадах, заалогію ў Віцебскім педагагічным тэхнікуме ў 1924—1930 гадах. Адначасова ў 1922—1923 гадах займаў пасаду начальніка Віцебскага губернскага энтамалагічнага бюро. У 1930—1933 гадах працаваў у Віцебскім ветэрынарным інстытуце (з лістапада 1930 года асістэнт, з верасня 1933 па ліпень 1934 года выконваючы абавязкі дацэнта кафедры заалогіі), у 1935—1971 — у Віцебскім педагагічным інстытуце імя С. М. Кірава: у 1933—1941 гадах і з 1946 года дацэнт кафедры заалогіі, у 1937—1941 — намеснік дырэктара інстытута па завочным навучанні, у 1946—1971 — загадчык кафедры.

Навуковая дзейнасць

Навуковыя працы па тэарэтычных і практычных асновах шаўкаводства на Беларусі, па вывучэнні фаўны стракоз, цвёрдакрылых і лускакрылых, селекцыі і міжпародным скрыжаванні трусоў, методыцы выкладання біялогіі.

Літаратура

• Радкевіч Анатоль Іванавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 222. — 10 000 экз. — ISBN 985-11-0035-8. — ISBN 985-11-0216-4 (т. 13).
• Радкевіч Анатоль Іванавіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

Спасылкі

• Радкевіч Анатоль Іванавіч, энтамалогія на сайце анлайн-энцыклапедыі «Беларусь у асобах і падзеях»
• Вучоныя Беларусі. Радкевіч, Анатоль Іванавіч (энтамалогія; 1898—1977) // Нацыянальная бібліятэка Беларусі
• Кафедра заалогіі і батанікі ВДУ імя С. М. Машэрава (руск.)
• Беларусь помнит: Радкевич Анатолий Иванович (1898—1977) Архівавана 27 верасня 2020. (руск.)
• История кафедры зоологии (руск.). // ВДАВМ