Андрэй Ігнатавіч Івіцкі

Андрэй Ігнатавіч Івіцкі
Андрэй Ігнатавіч Івіцкі
Дата нараджэння	13 чэрвеня 1904
Месца нараджэння	Святазер’е[d], Чавускі павет, Магілёўская губерня, Расійская імперыя;
Дата смерці	3 мая 1992 (87 гадоў)
Род дзейнасці	навуковец
Навуковая сфера	меліярацыя
Месца працы	Інстытут меліярацыі НАН Беларусі;
Навуковая ступень	доктар тэхнічных навук
Навуковае званне	прафесар, член-карэспандэнт АН БССР, член-карэспандэнт АСГН БССР
Альма-матар	Беларуская дзяржаўная сельскагаспадарчая акадэмія (1925);
Навуковы кіраўнік	Аляксандр Давыдавіч Дубах

Андрэй Ігнатавіч Івіцкі (13 чэрвеня 1904; вёска Святазер’е, Чавускі раён — 3 мая 1992) — беларускі вучоны ў галіне меліярацыі. Член-карэспандэнт Акадэміі сельскагаспадарчых навук БССР (1959—1961), Акадэміі навук БССР (1961), доктар тэхнічных навук (1958), прафесар (1960). Заслужаны дзеяч навукі БССР (1974). Удзельнік Вялікай Айчыннай вайны.

Біяграфія правіць

Скончыў Горацкі сельскагаспадарчы інстытут у 1925 годзе. З 1925 па 1928 працаваў у Барысаўскім, потым Мазырскім акружных зямельных аддзелах. З 1928 па 1931 навучаўся ў аспірантуры Усесаюзнага НДІ балотнай гаспадаркі. З 1931 года працаваў ва Усесаюзным НДІ балотнай гаспадаркі ў Мінску.

З першых дзён Вялікай Айчыннай вайны знаходзіўся ў дзеючай арміі на Заходнім, а затым Трэцім і Другім Беларускіх франтах. Удзельнічаў у баях за абарону Масквы, вызваленні шэрагу гарадоў Беларусі і Літвы, у штурме і ўзяцці Кёнігсберга і многіх гарадоў Усходняй Прусіі.

Пасля дэмабілізацыі, з красавіка 1946 па 1948 гг. кіраваў водагаспадарчым сектарам АН БССР, з 1948 па 1976 год — аддзелам асушэння, а затым да 1992 года лабараторыяй меліярацыі тарфяных глеб Беларускага НДІ меліярацыі і воднай гаспадаркі.

Навуковы і практычны ўклад правіць

Устанавіў залежнасць выпарэння тарфяной глебы ад кліматычных і іншых фактараў, распрацаваў метад вызначэння часу наступлення перадпасяўнога перыяду і метад разліку перадпасяўнога сцёку, прынцыпы асушальнай меліярацыі, прапанаваў новы падыход да ўстанаўлення норм (інтэнсіўнасці) асушэння балот.

Аўтар больш за 120 навуковых прац, у тым ліку 6 манаграфій. Сярод апублікаваных:

Принципы проектирования закрытого дренажа в БССР — Мн., 1954.^[1]
Основы проектирования и расчетов осушительных и осушительно-увлажнительных систем — Мн., 1993.^[1]
Гидрологические основы осушения болот [Текст] / А. И. Ивицкий. — Минск : [б. и.], 1972. — 11 с.; 25 см. — (Доклад/ ООН по вопросам образования, науки и культуры. МГД. Междунар. симпозиум по гидрологии заболоченных территорий. 17-24 июля, 1972. Минск, БССР
К теории расчета осушительных систем [Текст]. — Минск : Урожай, 1971. — 16 с.; 16 см. — (ВДНХ СССР/ М-во мелиорации и водного хоз-ва СССР. Белорус. науч.-исслед. ин-т мелиорации и водного хоз-ва)
О проектировании осушительно-увлажнительных систем на болотах Полесья [Текст] : (Докл. чл.-корр. АН БССР А. И. Ивицкого для обсуждения…). — Минск : [б. и.], 1973. — 37 с. — (Доклад… на Всесоюзном семинаре по обмену опытом проектирования осушительно-увлажнительных систем/ М-во мелиорации и водного хоз-ва СССР. Белорус. науч.-исслед. ин-т мелиорации и водного хоз-ва

Падрыхтаваў 2 дактароў і 45 кандыдатаў навук.

Узнагароды правіць

Ордэн Кастрычніцкай Рэвалюцыі
Ордэн Айчыннай вайны 1-й ступені
Ордэн Айчыннай вайны 2-й ступені
Ордэн Чырвонай Зоркі
медалі.

Зноскі

↑ ^а ^б Андрэй Ігнатавіч Івіцкі

Літаратура правіць

Івіцкі Андрэй Ігнатавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі правіць

Андрэй Ігнатавіч Івіцкі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)

[nan-1] а ^б Андрэй Ігнатавіч Івіцкі

[1]