Антыманіт

Антыманіт (ад лац.: Antimonium — сурма) або сурмяны бляск, стыбніт — мінерал хімічнага складу Sb₂S₃, які змяшчае 71,38 % сурмы, 28,62 % серы (масавыя працэнты), а таксама прымешкі мыш’яку, вісмуту, свінцу, жалеза, медзі, золата і серабра. Антыманіт з’яўляецца асноўным мінералам для атрымання сурмы.

Антыманіт
Крышталь антыманіту
Формула	Sb2S3
Прымесь	As, Bi, Pb, Fe
Сінгонія	ортарамбічная
Колер	Свінцова-шэры
Бляск	металічны
Празрыстасць	непразрысты
Цвёрдасць	2—2,5
Спайнасць	дасканалая
Злом	ракавісты
Шчыльнасць	4,5—4,6 г/см³

Колер у кавалку і парашку свінцова- ці сталёва-шэры, з сіняй і вясёлкавай пабегласцю. Бляск металічны. Цвёрдасць 2—2,5. Пластычны. Спайнасць дасканалая, паралельна падаўжэнню крышталёў. Злом дробнаракавісты. Сінгонія рамбічная. Шчыльнасць 4,6 г/см³. Непразрысты. Падоўжана-прызматычныя крышталі слупкаватай або ігольчатай формы са штрыхоўкай паралельна падаўжэнню. У іголках гібкі.

Паходжанне нізкатэмпературнае гідратэрмальнае. Радовішчы ў Кыргызстане, Таджыкістане, Казахстане, Грузіі, Расіі і інш.

Гл. таксама

• Антыманіты

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1). — С. 398.
• Антимонит // Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 1. — С. 61. — 863 с. — 2 000 000 экз. — ISBN 5-85270-042-8 (т. 1.). (руск.)

Спасылкі

• Антыманіт на Кристаллов. NET (руск.)
• Структура сфалерыту Архівавана 19 кастрычніка 2008.
• Антыманіт у каталогу мінералаў
• Антыманіт (ён жа Stibnite) у базе webmineral.com (англ.)