Аршанскі гідрагеалагічны басейн

Аршанскі гідрагеалагічны басейн — гідрагеалагічны басейн, размешчаны на паўночным усходзе Беларусі і прымеркаваны да Аршанскай упадзіны. Заходняя частка Маскоўскага гідрагеалагічнага мегабасейна.

Зона актыўнага водаабмену (150—300 м) ахоплівае ваданосныя комплексы ў адкладах антрапагену, мелу, юры і верхняга дэвону. Воды прэсныя, гідракарбанатныя, мінералізацыя 0,1—0,4 г/л, напорныя, за выключэннем верхніх гарызонтаў  (руск.). Рэсурсы складаюць 16,6 млн м³/сут. Дэбіт свідравін 0,5—20,0 л/с, максімальны больш за 50 л/с. У зону запаволенага водаабмену ўваходзяць сярэднедэвонскі (пярнуска-нараўскі) і верхнепратэразойскі ваданосныя комплексы. Пярнуска-нараўскі мае мінеральныя воды (мінералізацыя 2—20 г/л) сульфатнага, сульфатна-хларыднага і хларыднага саставу. Глыбей у верхне-пратэразойскіх адкладах (верхнепратэразойскі ваданосны комплекс) воды расольныя і расолы хларыдна-натрыевага саставу з максімальнай канцэнтрацыяй соляў 100—175 г/л. У гэтых водах значная колькасць брому, ёду, фтору і інш. Дэбіт свідравін у межах 0,2—20 л/с. Прэсныя воды выкарыстоўваюцца на гаспадарчае водазабеспячэнне, мінеральныя і расолы — як бальнеалагічныя ў санаторыяхЛётцы», «Прыдняпроўскі»).

Літаратура правіць