Юрскі геалагічны перыяд, Юра, Юрская сістэма — сярэдні перыяд мезазоя, які пачаўся 185 млн гадоў назад, працягваўся 53 млн гадоў.

Упершыню адклады дадзенага перыяду былі апісаны ў Юры (горы ў Швейцарыі і Францыі), адсюль і пайшла назва перыяду. Адклады таго часу даволі разнастайныя: вапнякі, абломкавыя пароды, сланцы, магматычныя пароды, гліны, пяскі, кангламераты, якія сфармаваліся ў разнастайных умовах. Падзяляецца на 3 аддзелы (эпохі) і 11 ярусаў.

У юры ўзмацняюцца тэктанічныя рухі, асабліва на перыферыі Ціхага акіяна, фарміруюцца ўпадзіны Атлантычнага і Індыйскага акіянаў, значна праяўляецца наземны вулканізм (Усходняя Афрыка, Паўднёвая Амерыка). З адкладамі юрскай групы звязаны радовішчы вуглёў і нафты, каменнай і калійных солей, жалезных руд, фасфарытаў, у Беларусі — вапнякоў, вапняковых глін, мергеляў, бурых вуглёў і інш.

Літаратура правіць

  • Ю́рская сістэ́ма (перы́яд) // Геаграфічныя паняцці і тэрміны: Энцыклапедычны даведнік / Беларус. Энцыкл.; Рэдкал.: М. М. Курловіч і інш. — Мн.: БелЭн, 1993. — С. 325—326. — 333 с. — (Энцыкл. б-чка школьніка). — 14 000 экз. — ISBN 5-85700-085-8.
  • Юрский период // Биологический энциклопедический словарь / Гл. ред. М. С. Гиляров; Редкол.: А. А. Баев, Г. Г. Винберг, Г. А. Заварзин и др. — М.: Сов. энциклопедия, 1986. — 831 с. — 100 000 экз.
  • Ю́рский пери́од // Биология. Современная иллюстрированная энциклопедия / Гл. ред. А. П. Горкин — М.: Росмэн, 2006. (руск.)