Батарэя

Батарэ́я (трансліт.: Batareja, руск.: Батарея) — вёска ў Бярозаўскім раёне Брэсцкай вобласці. Уваходзіць у склад Міжлескага сельсавета. Размешчана за 22 км ад Бярозы, за 27 км ад чыгуначнай станцыі Бяроза-Картузская.

Вёска Батарэя Краіна Беларусь Вобласць Брэсцкая Раён Бярозаўскі Сельсавет Міжлескі Каардынаты 52°21′40″ пн. ш. 24°58′15″ у. д. Насельніцтва ▼23 чал. (2019) Часавы пояс UTC+3 Тэлефонны код +375 1643 Аўтамабільны код 1 СААТА 1208823006 Батарэя на карце Беларусі ±

Гісторыя

Паводле перапісу 1897 годзе пасёлак у Мацвеевіцкай воласці Пружанскага павета Гродзенскай губерні, жыхары ўваходзілі ў Стаўскае сельскае таварыства.

З 1915 года акупіравана германскімі войскамі, з 1919 года да ліпеня 1920 года і з жніўня 1920 года — войскамі Польшчы. У ліпеня—жніўні 1920 года ўстаноўлена савецкая ўлада.

З 1921 года ў складзе Палескага ваяводства Польшчы. 5 студзеня 1926 года са скасаванай Чарнякаўскай гміны далучана да Мацвеевіцкай гміны, якая перайменавана ў Міжлескую гміну, а 27 лютага 1932 года ліквідавана, вёска была далучана да Сігневіцкай гміны.

З 1939 года ў БССР, з 1940 года вёснаў Міжлескім сельсавеце.

У 1941—1944 гг. акупіравана нямецка-фашысцкімі захопнікамі. На фронце загінулі 6 воінаў-землякоў, акупанты загубілі 7 жыхароў вёскі. 31 сакавіка 1944 года каля вёскі загінуў камандзір партызанскага атрада імя Пажарскага А. І. Калупаеў у яго гонар атрад перайменаваны ў імя Калупаева, яго імем названа вуліца ў в. Спорава.

У кастрычніка 1949 года ў вёсцы арганізаваны калгас «Чырвоная Батарэя», які ў лютым 1950 года ўвайшоў у склад калгаса «Новы шлях». У 1970 годзе ў калгасе «Новы шлях».

Планіроўка

Планіровачна складаецца з асноўнай вуліцы, з няшчыльнай, пераважна аднабаковай забудовай, арыентаванай з усходу на захад, да якой з поўначы і поўдня далучаюцца 2 кароткія завулкі.

Насельніцтва

• XIX стагоддзе:
  • 1897 — 1 двор, 6 жыхароў.
• XX стагоддзе:
  • 1940 — 101 двор, 228 жыхароў.
  • 1970 — 320 жыхароў.
• XXI стагоддзе:
  • 2005 — 50 двароў, 88 жыхароў.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх