Белае (рыбгас)
Белае — буйны комплекс сажалак для развядзення рыбы ў пасёлку Азёрны Жыткавіцкага раёна Гомельскай вобласці агульнай плошчай 5451 га. Рыбгас мае статус тэрыторыі, важнай для птушак з 1998 года (код BY019, крытэрыі А1, В2, В3). Вышыня над узроўнем мора — 126—138 метраў.[1]
Агульная плошча сажалак рыбгаса — 1649 гектараў.[2]
Фаўна
правіцьСажалкі з’яўляюцца буйнейшым у рэгіёне месцам гнездавання многіх відаў вадаплаўных і рыбаядных птушак. Асабліва важнае значэнне тэрыторыя мае для захавання наступных відаў: вялікі бугай (Botaurus stellaris), качка шэрая (Anas strepera), белавокая чэрнець (Aythya nyroca), нырок-сівак (Aythya ferina). Сярод іншых відаў птушак у наваколлях рыбгаса гняздуюцца арлан-белахвост (Haliaeetus albicilla), драч (Crex crex), чорны бусел (Ciconia nigra). Белае — адзінае ў Беларусі месца, дзе гняздуецца рэдкая качка луток (Mergellus albellus)[2]. Ля азёр рыбгаса назіраўся сокал-шулёнак (Falco vespertinus)[3].
Сысуны прадстаўлены наступнымі відамі: янотападобны сабака (Nyctereutes procyonoides), звычайны ліс (Vulpes vulpes), норка амерыканская (Neovison vison), лясная куніца (Martes martes) і іншыя[2]. Сярод рыб, якія вырошчваюць у рыбгасе карп (Cyprinus carpio carpio), амур белы (Ctenopharyngodon idella), таўсталобік белы (Hypophthalmichthys molitrix), шчупак звычайны (Esox lucius)[4].
Флора
правіцьУся тэрыторыя рыбгаса акружана пойменнымі дубравамі. Сажалкі раздзелены дамбамі, якія параслі лазняком і бярозай. Самі вадаёмы парослыя рагозам (Typha).[2]
Зноскі
- ↑ Beloe fish-farm Архівавана 5 сакавіка 2016. (англ.)
- ↑ а б в г Рыбгас «Белае» Архівавана 18 ліпеня 2013.
- ↑ Кобчик(недаступная спасылка) (руск.)
- ↑ «Белое» опытный рыбхоз Архівавана 11 кастрычніка 2014. (руск.)
Літаратура
правіць- A.Kozulin, L.Vergeichik, M.Nikiforov and others. Treasures of Belarusian nature.- Minsk, 2002. −160 p.