Беларусь на летніх Алімпійскіх гульнях 2020
Беларусь на летніх Алімпійскіх гульнях 2020 года была прадстаўлена ў 20 відах спорту 108-ю спартсменамі.
| ||||
| Код МАК: | BLR | |||
| НАК: | Нацыянальны алімпійскі камітэт Рэспублікі Беларусь | |||
| ' | ||||
| Спартсмены | 108 у 20 відах спорту | |||
| Сцяганосец | Мікіта Цмыг, Ганна Марусава (адкрыццё) Ілья Палазкоў (закрыццё) |
|||
| Медалі Месца: 45 |
Золата 1 |
Срэбра 3 |
Бронза 3 |
Усяго 7 |
| Удзел у летніх Алімпійскіх гульнях | ||||
| 1996 · 2000 · 2004 · 2008 · 2012 · 2016 · 2020 | ||||
| Удзел у зімовых Алімпійскіх гульнях | ||||
| 1994 · 1998 · 2002 · 2006 · 2010 · 2014 · 2018 · 2022 | ||||
| Гл. таксама | ||||
На цырымоніі адкрыцця Гульняў сцяганосцамі зборнай Беларусі сталі плывец Мікіта Цмыг і лучніца Ганна Марусава. На цырымоніі закрыцця Гульняў сцяганосцам зборнай Беларусі стаў Ілья Палазкоў.
Першапачаткова Алімпійскія гульні павінны былі адбыцца ў 2020 годзе, аднак з-за пандэміі COVID-19 Міжнародны алімпійскі камітэт прыняў рашэнне перанесці Гульні на 2021 год[1].
Медалі правіць
Каманда Беларусі на летніх Алімпійскіх гульнях 2020 года заваявала на 7 медалёў (1 золата, 3 срэбра і 3 бронзы), што стала найгоршым вынікам за ўсе часы ўдзелу незалежнай Беларусі ў летніх Алімпійскіх гульнях[2]:
- золата Іван Літвіновіч (батут),
- срэбра: Ірына Курачкіна, Магамедхабіб Кадзімагамедаў (вольная барацьба), жаночая байдарка-чацвёрка (Марына Літвінчук, Вольга Худзенка, Маргарыта Махнёва, Вольга Папок),
- бронза: Ванэса Каладзінская (вольная барацьба), Максім Недасекаў (скачкі ў вышыню), Аліна Гарнасько (мастацкая гімнастыка)[3].
Інцыдэнты правіць
.jpg)
1 жніўня беларуская лёгкаатлетка Крысціна Ціманоўская заявіла, што яе спрабавалі сілай вывезці з Токіа ў Беларусь. Яна адмовілася ад пасадкі на самалёт і паведаміла, што ў аэрапорт яе даставілі супраць волі.
Спартсменку выключылі з алімпійскай каманды пасля выступлення з крытыкай трэнерскага складу ва ўласным Instagram, паколькі яе паставілі бегчы эстафету 4×400 метраў, хоць на Алімпіядзе яна рыхтавалася выступіць у бегу на 100 і 200 метраў (перад тым беларусак Марыю Жодзік, Ганну Міхайлаву і Крысціну Мулярчык не дапусцілі да эстафеты з прычыны недастатковай колькасці допінг-проб). Неўзабаве пачаліся пагрозы ад адміністрацыі каманды і галоўнага трэнера зборнай Беларусі па лёгкай атлетыцы Юрыя Маісеевіча. У выніку беларуская дэлегацыя адхіліла Крысціну Ціманоўскую ад далейшага ўдзелу ў Алімпійскіх гульнях «у сувязі з эмацыйна-псіхалагічным станам».
Крысціна Ціманоўская заявіла, што ў Беларусь не вернецца, бо баіцца пераследу. 2 жніўня яна прыйшла ў польскую амбасаду, дзе атрымала гуманітарную візу. 3 жніўня ў Токіа мела размову з прэм’ер-міністрам Польшчы Матэвушам Маравецкім. 4 жніўня запланаваны пералёт у Варшаву ў апошні момант з меркаванняў бяспекі змянілі на Вену. У аэрапорце Токіа перад вылетам Святлана Ціманоўская з’явілася ў суправаджэнні афіцэраў японскай паліцыі.
5 жніўня Крысціна Ціманоўская прыбыла ў Варшаву і дала прэс-канферэнцыю. 6 жніўня Міжнародны алімпійскі камітэт паведаміў, што «ў інтарэсах дабрабыту спартсменаў Беларусі» скасаваў акрэдытацыю трэнераў Артура Шумака і Юрыя Маісеевіча[4].
Зноскі
- ↑ Оргкомитет Олимпиады в Токио подтвердил новые сроки проведения Игр
- ↑ Беларусь завершыла выступленні на Алімпіядзе-2020 з антырэкордам(недаступная спасылка). Архівавана з першакрыніцы 10 жніўня 2021. Праверана 10 жніўня 2021.
- ↑ На Алімпіядзе ў Токіа Беларусь заваявала сем медалёў. Гэта найгоршы вынік у гісторыі
- ↑ Радыё Свабода Архівавана 6 жніўня 2021.
Спасылкі правіць
На Вікісховішчы ёсць медыяфайлы па тэме Беларусь на летніх Алімпійскіх гульнях 2020
