Будынак казначэйства (Мсціслаў)

Будынак былога казначэйства — будынак у г. Мсціславе Магілёўскай вобласці. Размешчаны на вуліцы Савецкай, 14. Пабудаваны у канцы XIX — пачатку XX ст. з цэглы.

Славутасць
Будынак былога казначэйства
54°01′18″ пн. ш. 31°43′39″ у. д.
Краіна	Беларусь
Горад	Мсціслаў
Архітэктурны стыль	эклектыка
Будаўніцтва	канец XIX — пачатак XX стагоддзяў
Статус	Гісторыка-культурная каштоўнасць Беларусі, шыфр 513Г000512
Медыяфайлы на Вікісховішчы

Архітэктура

Будынак казначэйства і Троіцкая царква

Помнік эклектычнай архітэктуры з элементамі неакласіцызму. Двухпавярховы Г-падобны ў плане будынак накрыты двухсхільным вальмавым дахам. Цэнтральны вугал скошаны, паверхня сцяны скосу завершана атыкам з люнетам, вуглы гарызантальна руставаны. Першы i другі паверхі аддзелены карнізам. Аконныя праёмы лучковыя, на другім паверсе дэкарыраваны ліштвамі. Унутраная планіроўка калідорная з адна- i двухбаковым размяшчэннем памяшканняў.

Літаратура

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

Спасылкі

• На Вікісховішчы ёсць медыяфайлы па тэме Будынак казначэйства (Мсціслаў)
• Будынак казначэйства (Мсціслаў) на сайце «Архіварта»