Вакольны горад

Вакольны горад — фартыфікацыйны тэрмін часоў Русі. Знешняя фартыфікацыйная агароджа ў гарадах, дзе мелася некалькі ліній абарончых збудаванняў.

Вакольны горад звычайна ўтвараўся ў выніку ўмацавання гандлёва-рамеснага пасада, які ўзнікаў вакол дзядзінца. Пазней вакольным горадам сталі зваць не абарончую агароджу, а частку горада, якую яна абараняла, на ўзор як горадам напачатку звалі толькі дзядзінец, а пасля ўсё паселішча разам.