Валянціна Іванаўна Крыкава

Валянціна Іванаўна Кры́кава (13 лістапада 1930, Ленінград — ?) — беларуская артыстка балета. Народная артыстка БССР (1964).

Валянціна Іванаўна Крыкава
Дата нараджэння	13 лістапада 1930(1930-11-13) (93 гады)
Месца нараджэння	Ленінград, РСФСР, СССР
Грамадзянства	СССР
Адукацыя	Ленінградскае харэаграфічнае вучылішча імя А. Я. Ваганавай (1947)
Прафесія	балерына
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Біяграфія

Скончыла Ленінградскае харэаграфічнае вучылішча ў 1947 годзе. У 1947—1968 гадах салістка Дзяржаўнага тэатра оперы і балета БССР.

Творчасць

Выкананне В. Крыкавай адметна высокай культурай, мяккай пластычнасцю рухаў, выразным падкрэсліваннем індывідуальных рысаў характару персанажаў.

Ролі

Сярод партый: Ванда («Салавей» М. Крошнера), Жанчына ў чорным («Святло і цені» Г. Вагнера), Мадэрнісцкая танцоўшчыца («Мара» Я. Глебава), Зарэма («Бахчысарайскі фантан» Б. Асаф’ева), фея Бэзу і Котачка («Спячая прыгажуня» П. Чайкоўскага), Вулічная танцоўшчыца і Мерседэс («Дон Кіхот» Л. Мінкуса), Цыганка («Эсмеральда» Ц. Пуні).

Выканала вялікую колькасць характарных танцаў у оперных і балетных спектаклях.

Літаратура

• Кры́кава Валянціна Іванаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 404. — 800 с. — 5 000 экз. — ISBN 985-11-0026-9.

Спасылкі

• Крыкава Валянціна Іванаўна на сайце анлайн-энцыклапедыі «Беларусь у асобах і падзеях»