Ведран Чорлука

Ведран Чорлука (харв.: Vedran Ćorluka; нар. 5 лютага 1986, Модран, СФРЮ) — харвацкі футбаліст, абаронца. Ігрок нацыянальнай зборнай Харватыі (2006—2018). Ц цяперашні час працуе трэнерам у маскоўскім «Лакаматыве» і зборнай Харватыі.

Ведран Чорлука
Агульная інфармацыя
Мянушка	Чарлі (англ.: Charley)
Нарадзіўся	5 лютага 1986(1986-02-05)[…] (38 гадоў) Модран[d], абшчына Дэрвента[d], Рэспубліка Сербская, БіГ
Грамадзянства	Харватыя
Рост	192 см
Вага	85 кг
Пазіцыя	абаронца
Інфармацыя пра каманду
Каманда	Лакаматыў (Масква) Харватыя
Пасада	трэнер
Маладзёжныя клубы
1994—2003 Дынама (Заграб)
Клубная кар’ера
2003—2007 Дынама (Заграб) 61 (7) 2004—2005 →  Інтэр (Запрэшыч) 27 (4) 2007—2008 Манчэстэр Сіці 38 (1) 2008—2012 Тотэнхэм Хотспур 81 (1) 2012 →  Баер 04 7 (0) 2012—2021 Лакаматыў (Масква) 200 (7)
Нацыянальная зборная
2002 Харватыя (да 16) 7 (2) 2002—2003 Харватыя (да 17) 11 (2) 2003 Харватыя (да 18) 3 (0) 2004—2005 Харватыя (да 19) 12 (4) 2005—2006 Харватыя (малад.) 9 (0) 2006—2018 Харватыя 103 (4)
Трэнерская кар’ера
2021— Харватыя трэнер 2021— Лакаматыў (Масква) трэнер
Узнагароды і медалі
Чэмпіянаты свету Срэбра Расія 2018
Медыяфайлы на Вікісховішчы

Клубная кар’ера

Раннія гады

Ведран Чорлука ў васьмігадовым узросце ўступіў у шэрагі школы заграбскае «Дынама», дзе ў 2003 годзе атрымаў статус прафесійнага футбаліста і ўвайшоў у склад асноўнай каманды. У 2004 годзе «Дынама» аддало Чорлуку на павышэнне вопыту ў арэнду сціпламу «Інтэру» з Запрэшыча, там жа быў і яго партнёр па зборнай Лука Модрыч. За «Інтэр» ён правёў 27 матчаў і нават забіў 4 мячы, у тым сезоне «Інтэр» заваяваў срэбра ў чэмпіянаце Харватыі. Пасля такога пачатку кар’еры, ён без адмысловай працы замацаваўся ў складзе «Дынама», і ў першым жа сезоне ўзяў першае месца ў чэмпіянаце, адыграўшы 31 матч і забіўшы тры мячы. Не замарудзіў сябе чакаць і выклік у асноўную зборную краіны, дзе ён дэбютаваў летам 2006 года. У наступным сезоне 21-гадовы Ведран разам з клубам стаў чэмпіёнам Харватыі, уладальнікам кубка і суперкубка краіны, адыграўшы 30 матчаў і забіўшы 4 мячы. Пасля такіх падзей да Чорлукі пачалі прыглядацца замежныя клубы.

«Манчэстэр Сіці»

У 2007 годзе, за 11,5 млн фунтаў стэрлінгаў Ведран быў падпісаны англійскім клубам «Манчэстэр Сіці». У «Сіці» ён заваяваў адразу ж месца ў аснове, у сезоне 2007/08 ён з’яўляўся ў 38 матчах. У пачатку наступнага сезона, Ведран адыграўшы за гараджан 6 матчаў.

«Тотэнхэм Хотспур»

У 2008 годзе Чорлука быў набыты «Тотэнхэмам Хотспурам» за 12,5 млн фунтаў, дзе зноў уз’яднаўся з Модрычам. У першым сезоне за шпораў ён адгуляў 36 матчаў, і стаў фіналістам Кубка Футбольнай лігі.

«Баер»

31 студзеня 2012 года Чорлука быў аддадзены ў паўгадавую арэнду ў леверкузенскі «Баер 04».

«Лакаматыў»

27 чэрвеня 2012 года Ведран падпісаў кантракт з маскоўскім «Лакаматывам» на 3 гады. Сума адчэпных першапачаткова складала 7 млн еўра, але пасля перамоў трансферны кошт Чорлукі атрымалася збіць да 5,5 млн еўра. У 2015 годзе стаў капітанам каманды.

У чэрвені 2021 года завяршыў кар’еру і перайшоў на трэнерскую працу ў «Лакаматыве» і зборнай Харватыі

Міжнародная кар’ера

Ведран дэбютаваў у зборнай Харватыі 16 жніўня 2006 года ў таварыскім матчы супраць зборнай Італіі ў італьянскім горадзе Ліворна. Футбаліст выйшаў на замену ў перапынку матча замест Антэ Серыча і дапамог харватам атрымаць перамогу з лікам 2:0.

У 2018 годзе разам са зборнай Харватыі стаў сярэбраным прызёрам чэмпіянату свету, пасля чаго заявіў аб завяршэнні кар’еры ў зборнай.

Дасягненні

Дынама

• Чэмпіён Харватыі (2): 2006, 2007
• Уладальнік Кубка Харватыі: 2007
• Уладальнік Суперкубка Харватыі: 2007

Лакаматыў

• Чэмпіён Расіі: 2018
• Уладальнік Кубка Расіі (4): 2015, 2017, 2019, 2021
• Уладальнік Суперкубка Расіі: 2019

Спасылкі

• На Вікісховішчы ёсць медыяфайлы па тэме Ведран Чорлука