Вера (возера)
Ве́ра — возера ў Браслаўскім раёне Віцебскай вобласці. Знаходзіцца за 8 км на паўночны ўсход ад горада Браслаў, за 1 км на поўдзень ад вёскі Слабодка, у басейне ракі Друйка. Уваходзіць у Браслаўскую групу азёр.
| Вера | |
|---|---|
| Морфаметрыя | |
| Вышыня над узроўнем мора | 133,1 м |
| Даўжыня | 0,85 км |
| Шырыня | 0,35 км |
| Плошча | 0,21 км² |
| Аб’ём | 0,00061 км³ |
| Даўжыня берагавой лініі | 2,0 км |
| Найбольшая глыбіня | 5,0 м |
| Сярэдняя глыбіня | 2,9 м |
| Гідралогія | |
| Салёнасць | 0,2 ‰ |
| Празрыстасць | да 1 м |
| Басейн | |
| Плошча вадазбору | 5,5 км² |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Вера |
|
|
|
|
 Вера |
|
 |
|
Плошча паверхні 0,21 км². Даўжыня 0,85 км, найбольшая шырыня 0,35 км. Найбольшая глыбіня 5,0 м, сярэдняя — 2,9 м. Даўжыня берагавой лініі 2,0 км. Аб’ём вады ў возеры 0,61 млн м³. Мінералізацыя да 0,2 г/л. Празрыстасць да 1 м. Плошча вадазбору 5,5 км².
Катлавіна возера тэрмакарставага тыпу. Схілы катлавіны вышынёй 5—8 м, разараныя, месцамі пад хмызняком. Берагі нізкія, пясчаныя, на захадзе сплавінныя. Берагавая лінія слабазвілістая. Вакол возера пойма шырынёй 20—30 м. Дно плоскае, да глыбіні 1,5 м пясчанае, глыбей выслана крэменязёмістым сапрапелем. Возера эўтрофнае, слабапраточнае. Зарастае да глыбіні 1,4 м. Злучана ручаём з возерам Недрава.
У возеры водзяцца шчупак звычайны, акунь, лешч, плотка, гусцяра, краснапёрка, лінь і іншыя віды рыб.
Літаратура правіць
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Энцыклапедыя прыроды Беларусі. У 5-і т. Т. 1 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 1. — С. 433. — 575 с. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 14. — 72 с. — 10 000 экз. — ISBN 978-985-508-136-5. (руск.)