Савецкая вуліца (Мінск)

Савецкая вуліца — часткова пешаходная вуліца ў Мінску.

Савецкая вуліца Мінск
Агульная інфармацыя
Краіна	Беларусь
Горад	Мінск
Працягласць	~700 м
Паштовы індэкс	220010
Медыяфайлы на Вікісховішчы

Гісторыя

Вуліца ў 1930-х гадах. Удалечыні бычныя Чыгуначная царква і дом Сямёна Сушы

Цяперашняя Савецкая раней была часткай Захар’еўскай вуліцы. Правы бок вуліцы забудаваны ў 1875—1908 гг. Левы — няцотны — аформіўся ў 1976 г.

Размяшчэнне

Бярэ свой пачатак ад скрыжавання з вуліцай Бабруйскай і ідзе да скрыжавання з вуліцай Свярдлова, упіраючыся ў будынак гасцініцы «Мінск». Частка вуліцы ідзе па плошчы Незалежнасці.

Аб’екты на вуліцы

Забудова вуліцы Савецкай на плошчы Мяснікова

На Савецкай размешчаны: Дом урада, Чырвоны касцёл, дамы Уніхоўскага і Абрампольскага ў стылі мадэрн, Беларускі дзяржаўны педагагічны ўніверсітэт імя Максіма Танка. На Савецкай, 6, знаходзіцца Беларуская транспартная пракуратура, на Савецкай, 9 — Міністэрства па падатках і зборах.

Плошча Мяснікова, пачатак вуліцы Савецкай, дамы № 2, 4, 6, 8.

• № 9 — на гэтым месцы размяшчаўся 2-павярховы дом мешчаніна Сямёна Сушы (адрас у 1910 — Захар’еўская, д. 7, пасля 1914 — д. 9). Знесены ў пасляваенны час.
• № 14 — трохпавярховы дом Яніцкага (1903). У будынку размяшчаецца Інстытут перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі БДУ —  Гісторыка-культурная каштоўнасць Беларусі, шыфр 712Г000228