Віктар Дзмітрыевіч Даніленка

Вiктар Данiленка
Вiктар Данiленка
Надзвычайны і Паўнамоцны Пасол Рэспублікі Беларусь у Расійскай Федэрацыі
	27 студзеня 1993 — 5 снежня 1997
Прэзідэнт	–, Аляксандр Лукашэнка
Кіраўнік урада	Вячаслаў Кебіч, Міхаіл Чыгір, Сяргей Лінг
Папярэднік	пасада заснаваная
Пераемнік	Уладзімір Грыгор’еў
	1976 — 1980
Кіраўнік урада	Ціхан Кісялёў; Аляксандр Аксёнаў
Папярэднік	Мікалай Кашчэеў
Пераемнік	Леанід Чура
Нараджэнне	3 кастрычніка 1936; в. Петухоўка Чавускага раёна Магілёўскай вобласці
Смерць	4 мая 2017 (80 гадоў); Масква, Расія;
Месца пахавання	Траякураўскія могілкі;
Нацыянальнасць	Беларускі політэхнічны інстытут (1959); Вышэйшая партыйная школа (1974)
Партыя	КПСС;
Адукацыя	БНТУ;

Ві́ктар Дзмі́трыевіч Данiле́нка (3 кастрычніка 1936, в. Петухоўка Чавускага раёна Магілёўскай вобласці — 4 мая 2017, Масква) — беларускі дзяржаўны дзеяч і дыпламат.

Біяграфія

Нарадзіўся 3 кастрычніка 1936 года ў в. Петухоўка Чавускага раёна Магілёўскай вобласці.

У 1959—1960 гг. — майстар упраўлення № 56 будаўнічага трэста № 12 Міністэрства будаўніцтва Беларускай ССР у г. Магілёве. У 1960—1965 гг. — кіраўнік брыгады, галоўны інжынер праектаў, кіраўнік сектара, кіраўнік архітэктурна-будаўнічай майстэрні Магілёўскага облпроекта.

У 1965—1966 гг. — начальнік Магілёўскага аддзела трэста «Аргтэхбуд» Міністэрства прамысловага будаўніцтва Беларускай ССР. У 1966—1969 гг. — начальнік будаўнічага ўпраўлення № 53 трэсту «Лаўсанбуд» Міністэрства прамысловага будаўніцтва Беларускай ССР. У 1969—1971 гг. — начальнік упраўлення капітальнага будаўніцтва выканкама Магілёўскага абласнога Савета дэпутатаў працоўных.

У 1971—1975 гг. стаў намеснікам старшыні Магілёўскага аблвыканкама. У 1975—1976 гг. — першы намеснік старшыні Дзяржбуда Беларускай ССР. У 1976—1980 гг. — Міністр сельскага будаўніцтва Беларускай ССР. У 1980—1982 гг. — намеснік, у 1982 г. — першы намеснік, у 1982—1985 гг. — Міністр сельскага будаўніцтва СССР.

У 1985—1990 гг. — Намеснік старшыні Дзяржаграпрама СССР. У 1989—1992 гг. — Пастаянны прадстаўнік Савета Міністраў Беларускай ССР пры Савеце Міністраў СССР.

27 студзеня 1993 года прызначаны паслом Рэспублікі Беларусь у Расійскай Федэрацыі^[1], адстаўлены быў 5 снежня 1997 года^[2].

2 кастрычніка 1996 года быў узнагароджаны ордэнам Францыска Скарыны^[3].

Памёр 4 мая 2017 года ў Маскве. Пахаваны ў Маскве на Траякураўскіх могілках.

Зноскі

[1] Указ Президиума Верховного Совета Республики Беларусь от 27 января 1993 г. № 2127-XII «О назначении Даниленко В. Д. Чрезвычайным и Полномочным Послом Республики Беларусь в Российской Федерации и присвоении ему дипломатического ранга Чрезвычайного и Полномочного Посла» Архівавана 3 чэрвеня 2012. (руск.)

[2] Указ Президента Республики Беларусь от 5 декабря 1997 г. № 631 «Об освобождении В. Д. Даниленко от должности Чрезвычайного и Полномочного Посла Республики Беларусь в Российской Федерации» Архівавана 25 мая 2012. (руск.)

[3] Указ Президента Республики Беларусь от 2 октября 1996 г. № 397 «О награждении В. Д. Даниленко медалью Франциска Скорины» Архівавана 23 жніўня 2019.

[1]

[2]

[3]